పాక్​లో బాంబు పేలుడు- ఐదుగురు మృతి

పాకిస్థాన్​ బలూచిస్థాన్​లో బాంబు పేలి ఐదుగురు మరణించారు. 10 మంది గాయపడ్డారు. ఇది ఉగ్రదాడేనని అధికారులు అనుమానిస్తున్నారు.

పాకిస్థాన్​లో ఓ శక్తిమంతమైన బాంబు పేలుడు కారణంగా ఐదుగురు ప్రాణాలు కోల్పోయారు. మరో 10 మంది గాయపడ్డారు. అఫ్గానిస్థాన్​ సరిహద్దు ప్రాంతంలోని బలూచిస్థాన్​ రాష్ట్రం చమాన్​ నగరం హాజీ నిదా మార్కెట్​లో ఈ పేలుడు జరిగిందని పోలీసులు తెలిపారు.

అయితే ఈ దాడులకు ఇంకా ఎవరూ బాధ్యత ప్రకటించుకోలేదు.

గతంలోనూ..

వేర్పాటువాదులే ఇటీవల తరచూ బలూచిస్థాన్​లో ఉగ్రదాడులకు పాల్పడుతున్నట్లు సమాచారం. జులై 21న టర్బట్​ బజార్​లో ఇలాంటి తరహా ఘటనే జరిగింది. ఆ దాడిలో ఒకరు మృతి చెందగా, ఆరుగురు క్షతగాత్రులయ్యారు.

ఇదీ చదవండి:చైనా కక్షసాధింపు- హాంకాంగ్​ మీడియా దిగ్గజం అరెస్ట్