Bouncy Castle: ఆస్ట్రేలియాలో ఓ విషాదకర ఘటన జరిగింది. పిల్లలు ఆడుకునే బౌన్సీ క్యాజిల్ గాల్లోకి ఎగరగా.. ఐదుగురు చిన్నారులు చనిపోయారు. మరో నలుగురి పరిస్థితి విషమంగా ఉంది. టాస్మేనియాలోని హిల్క్రీస్ట్ ప్రైమరీ స్కూల్ విద్యా సంవత్సరం ముగింపు వేడుకల సమయంలో ఈ ప్రమాదం జరిగింది.
బలమైన ఈదురు గాలులతో క్యాజిల్ పైకి ఎగరగా.. పిల్లలు 10 మీటర్ల ఎత్తు నుంచి కిందకు పడినట్లు తెలుస్తోంది.
మృతులు 6 నుంచి 11 ఏళ్ల మధ్య వయసువారని అధికారులు తెలిపారు. ఘటనపై విచారణ జరుగుతున్నట్లు స్పష్టం చేశారు.
గాయపడ్డవారిని హెలికాప్టర్లలో ఆస్పత్రులకు తరలించారు. చిన్నచిన్న గాయాలైన పిల్లలకు పాఠశాల ఆవరణలోనే ప్రథమ చికిత్స నిర్వహించారు.