కాలువలోకి దూసుకెళ్లిన ఆటో- 20 మంది మృతి

12:46 November 11

వివాహ వేడుక నుంచి తిరిగి వస్తుండగా ఘటన

పాకిస్థాన్​ ఖైబర్​ పంఖ్తుఖ్వా రాష్ట్రంలో ఘోర రోడ్డు ప్రమాదం జరిగింది. డేరా ఇస్మాయిల్ ఖాన్​ జిల్లాలో పెళ్లికి వెళ్లి తిరిగి వస్తుండగా.. ఆటో కాలువలోకి దూసుకెళ్లి 20 మంది మృత్యువాత పడ్డారు.  

సహాయక చర్యలు చేపట్టిన అధికారులు.. ముగ్గురిని ప్రాణాలతో కాపాడారు. 20 మృతదేహాలను వెలికితీశారు. ఇందులో చిన్నారులు, మహిళలు కూడా ఉన్నారు.

ఈ ఘటనపై రాష్ట్ర ముఖ్యమంత్రి మెహమూద్​ ఖాన్​ దిగ్భ్రాంతి వ్యక్తం చేశారు.