ఆయిల్​ ట్యాంకర్​ ప్రమాదంలో 18కి చేరిన మృతులు

తూర్పు చైనాలో ఆయిల్​ ట్యాంకర్​ పేలిన ఘటనలో మృతుల సంఖ్య 18కి పెరిగింది. క్షతగాత్రుల సంఖ్య 166కి చేరింది. మొదట ట్యాంకర్​ పేలడం, ఆ తరువాత ఓ వర్క్​షాపులో మరో పేలుడు సంభవించడం వల్ల, సమీపంలోని పరిశ్రమలు, ఇళ్లు, వాహనాలు తీవ్రంగా దెబ్బతిన్నాయి.

చైనాలో ఆయిల్ ట్యాంకర్​ పేలిన ఘటనలో మృతుల సంఖ్య 18కి పెరిగింది. 166 మందికి గాయాలయ్యాయి. మృతుల సంఖ్య మరింత పెరిగే అవకాశముంది. క్షతగాత్రులు వివిధ ఆస్పత్రుల్లో చికిత్స పొందుతున్నారు.

ఝెజియాంగ్ రాష్ట్రంలోని వెన్లింగ్ నగరం సమీపంలోని షెన్యాంగ్​-హైకో ఎక్స్​ప్రెస్ వేలో ఆయిల్ ట్యాంకర్​ పేలిపోయింది. దీనితో ప్రధాన రహదారిపై ఉన్న కార్లు, వాహనాలకు మంటలు అంటుకున్నాయి.

మరో పేలుడు

ఆయిల్ ట్యాంకర్ పేలి పక్కనున్న ఓ వర్క్​షాపులో పడిపోవటం వల్ల.. రెండో పేలుడు సంభవించింది. దీంతో సమీపంలోని ఇళ్లు, పరిశ్రమలు తీవ్రంగా దెబ్బతిన్నాయి.

ఆయిల్​ ట్యాంకర్​ ప్రమాదం- సహాయక చర్యలు ముమ్మరం

రంగంలోకి దిగిన అగ్నిమాపక సిబ్బంది సహాయక చర్యలు ముమ్మరం చేశారు. రహదారిపై వాహనాల రాకపోకలను అధికారులు తాత్కాలికంగా నిలిపివేశారు. పోలీసులు ప్రమాదానికి గల కారణాలపై దర్యాప్తు చేస్తున్నారు.

ఇదీ చూడండి:మాటవరసకేనా మద్దతు.. అన్నదాతకు భరోసా ఏదీ?