లాక్​డౌన్​ ఉల్లంఘన- అంత్యక్రియలకు వేలాదిగా జనం

బంగ్లాదేశ్​ బ్రాహ్మణబరియాలో ఓ ఇస్లామిక్ మత బోధకుడి అంత్యక్రియలకు వేలాది మంది హాజరయ్యారు. వీరిని నిలువరించడంలో ప్రభుత్వ యంత్రాంగం పూర్తిగా విఫలమైంది. కరోనా విజృంభిస్తున్న ప్రస్తుత పరిస్థితుల్లో ఇలా లాక్​డౌన్​ ఉల్లంఘన జరగడంపై సర్వత్రా ఆందోళన వ్యక్తం అవుతోంది.

బంగ్లాదేశ్​లో​ లాక్​డౌన్​ నిబంధనల ఉల్లంఘన యథేచ్ఛగా కొనసాగుతోంది. కరోనా మహమ్మారి దేశంలో ఉద్ధృతంగా వ్యాపిస్తున్నా... ప్రజలు మాత్రం తీవ్ర నిర్లక్ష్యంతో వ్యవహరిస్తున్నారు.

బ్రాహ్మణబరియాలో ఓ ఇస్లామిక్ మత బోధకుడి అంత్య క్రియలకు వేలాది మంది హాజరయ్యారు. వీరిని నిలువరించడంలో ప్రభుత్వ యంత్రాంగం పూర్తిగా విఫలమైంది.

బంగ్లాదేశ్​లో తాజాగా 9 మంది కరోనాతో మరణించగా.. మొత్తం మృతుల సంఖ్య 91కి చేరింది. మరోవైపు కొత్తగా 312 పాజిటివ్ కేసులు నమోదు కాగా.. మొత్తం కేసుల సంఖ్య 2,458కి పెరిగింది. పరిస్థితుల తీవ్రత దృష్ట్యా కరోనా వైరస్ వ్యాప్తిని నియంత్రించేందుకు... బంగ్లాదేశ్​లో ఏప్రిల్​ 25 వరకు లాక్​డౌన్​ విధించారు.

ఇదీ చూడండి:ఇమ్రాన్​ఖాన్​ చెత్త వ్యాఖ్యలను తిప్పికొట్టిన భారత్​