'వరల్డ్ వైడ్ వెబ్'కు 30 వసంతాలు
'వరల్డ్ వైడ్ వెబ్' సమాచార విప్లవానికి నాంది పలికిన ఓ గొప్ప ఆవిష్కరణ. 1989లో 'టిమ్ బెర్నర్స్ లీ' అనే ఆంగ్ల భౌతిక శాస్త్రవేత్త కనుగొన్న ఈ 'వరల్డ్ వైడ్ వెబ్' ముూడు వసంతాలు పూర్తి చేసుకుంది.
బ్రౌజర్ సాఫ్ట్వేర్ల ద్వారా డిజిటల్ ఆబ్జెక్ట్లైన చిత్రాలు, గ్రాఫిక్స్ మొదలైనవి పొందడానికి వీలుగా ఓ సాఫ్ట్వేర్ (వరల్డ్ వైడ్ వెబ్)ను టిమ్ బెర్నర్స్ లీ రూపొందించారు. 1989 మార్చిలో "సమాచార నిర్వహణ : ఓ ప్రతిపాదన" పేరుతో టిమ్ ఓ పత్రాన్ని విడుదల చేశారు. ఇది ప్రపంచం దృష్టిని ఆకర్షించింది. ఈ వినూత్న ఆవిష్కరణే 1991 నాటికి 'వరల్డ్ వైడ్ వెబ్'గా ప్రాచుర్యం పొందింది.
టిమ్ బెర్నర్స్ లీ 1991 ఆగస్టులో తమ మొట్టమొదటి వెబ్సైట్ http://info.cern.ch ను ప్రారంభించారు. తన ఆవిష్కరణకు పేటెంట్ తీసుకోవడానికి బదులుగా, రాయల్టీ ఫ్రీ సాఫ్ట్వేర్గా అందరికీ ఆందుబాటులోకి తీసుకువచ్చారు.
టిమ్ వేసిన పునాదిపై వేరే ప్రోగ్రామర్లు వెబ్సైట్ల రూపకల్పన చేసేందుకు మార్గం సుగమమైంది. నేడు సుమారు వంద కోట్ల వెబ్సైట్లు అందుబాటులోకి వచ్చాయి. దాదాపు మూడు వందల కోట్ల మంది ఆన్లైన్ సేవలను వినియోగించుకుంటున్నారు.