ప్రపంచ వ్యాప్తంగా మొత్తం కరోనా కేసులు 20 కోట్ల మార్కుని దాటాయి. నిన్న ఒక్కరోజే సుమారు 6 లక్షలకు పైగా కొత్త కేసులు నమోదయ్యాయి. ఇప్పటివరకు 42,58,261 మంది చనిపోయారు. 18 కోట్లకు పైగా మంది వైరస్ నుంచి కోలుకున్నారు. కోటి 54 లక్షలకు పైగా యాక్టివ్ కేసులు ఉన్నాయి.
తాజాగా అమెరికాలో అత్యధికంగా కొవిడ్ కొత్త కేసులు లక్షకు పైగా నమోదయ్యాయి. 513 మంది వైరస్తో చనిపోయారు. 32 వేలకు పైగా మంది కోలుకోగా... 56 లక్షలపైగా యాక్టివ్ కేసులు ఉన్నాయి. అగ్రరాజ్యంలో వైరస్ అమాంతంగా పెరగడంపై అధికారులు ఆందోళన చెందుతున్నారు.
ఆయా దేశాల్లో కరోనా కేసులు ఇలా...
- ఇరాన్లో కొత్తగా 42వేల కేసులు వెలుగు చూశాయి. 378 మరణాలు నమోదయ్యాయి.
- ఇండోనేషియాలో ప్రపంచంలోనే అత్యధికంగా 1,598 మంది వైరస్ ధాటికి చనిపోయారు. సుమారు 34 వేల కొత్తకేసులు నిర్ధరణ అయ్యాయి.
- బ్రెజిల్లో కొత్తగా 32 వేల కరోనా కేసులు నమోదయ్యాయి. మరో 1,238 మంది కొవిడ్ కాటుకు బలయ్యారు.
- ఫ్రాన్స్లో సుమారు 27వేల కేసులు నమోదు కాగా... 57 మంది మృత్యువాత పడ్డారు.
- టర్కీలో కొత్తగా 25 వేల కేసులు వెలుగు చూశాయి. 126 మంది చనిపోయారు.
ఇదీ చూడండి:కరోనా విజృంభణ- మళ్లీ ఆంక్షల్లోకి అమెరికా నగరాలు!
