హవాయిలోని కిలాయియా అగ్నిపర్వతం భగ్గుమంది. లావా ధారాళంగా ప్రవహిచింది. అగ్నిపర్వతం ధాటికి ఆకాశంలో గ్యాస్, తేమ పెరిగాయి. బూడిద కూడా ఎగసిపడింది.
"నీటితో లావా కలిస్తే పేలుడు సంభవించే అవకాశాలు ఎక్కువగా ఉంటాయి. ఆదివారం జరిగిన ఘటనలో లావా బిలంలోని నీటితో కలిసింది. ఫలితంగా గంటపాటు లావా ధారాళంగా ప్రవహించింది. పక్కన ఉన్న సరస్సులోని నీరంతా ఆవిరైపోయింది".
-బిర్చర్డ్, వాతావరణ నిపుణుడు.
కిలాయియా అగ్నిపర్వత ప్రాంతం సమీపంలోని ప్రజలకు ఈ పేలుడు వల్ల పెద్దగా ఇబ్బంది తలెత్తలేదని అమెరికా జియోలాజికల్ సర్వే వెల్లడించింది.
సోమవారం వరకు ఈ లావా ప్రవాహం కొనసాగింది. ఇది ఇంకా ఎంత సేపు ఉంటుందనేది అంచనా వేయలేమని శాస్త్రవేత్తలు చెబుతున్నారు. గాలిలో ఎగసిపడిన బూడిద కళ్లకు, ఊపిరితిత్తులకు ప్రమాదకారమని హెచ్చరించారు.
అయితే ఆదివారం అగ్నిపర్వతం పేలుడు మొదలైన గంట తర్వాత ఆ ప్రాంతంలో భూకంపం సంభవించింది. రిక్టర్ స్కేల్ పై 4.4 తీవ్రత నమోదైంది.
ఇదీ చదవండి:నేపాల్ దారెటు? భారత్పై ప్రభావమెంత?