ట్రంప్ మద్దతుదారులు, నిరసనకారుల మధ్య ఘర్షణ

అమెరికాలో ట్రంప్​ మద్దతుదారులు, వ్యతిరేకవాదులు మధ్య ఘర్షణ చోటుచేసుకుంది. ఇరు వర్గాలు హింసాత్మక దాడులకు పాల్పడినట్లు వాషింగ్టన్​ పోస్ట్​ వార్తా సంస్థ పేర్కొంది. ఈ ఘటనలో పలువురు గాయపడ్డారు. రంగంలోకి దిగిన పోలీసులు 10 మందిని అరెస్టు చేశారు.

అమెరికా అధ్యక్షడు డొనాల్డ్​ ట్రంప్​నకు మద్దతుగా ఎన్నికల ఫలితాలపై రాజధాని వాషింగ్టన్​లో చేపట్టిన 'మిలియన్​ మెగా మార్చ్​' ర్యాలీ హంసాత్మకంగా మారింది. ట్రంప్ మద్దతుదారులు,​ నిరసనకారుల మధ్య ఘర్షణ చోటుచేసుకుంది. ఇరు వర్గాలు పరస్పరం దాడికి దిగాయి.

'చీకటి పడటం వల్ల నిరసనలు మరింత ఊపందుకున్నాయి. ట్రంప్​​ న్యాయవాదులను వేధించడం, ఎర్రటోపీలు, జెండాలను దొంగిలించి... వాటికి నిప్పంచడం వంటి ట్రంప్ వ్యతిరేకవాదుల రెచ్చగొట్టే చర్యలు గొడవలకు దారి తీశాయి' అని వాషింగ్టన్ పోస్ట్ వార్తా సంస్థ పేర్కొంది.

'శ్వేతసౌధం సమీపంలోని ఫ్రీడమ్​ ప్లాజా వద్ద ట్రంప్​నకు మద్దతుగా ర్యాలీలు కొనసాగుతుండగా... ఆయనను వ్యతిరేకించే నిరసనకారుల సమూహం అక్కడికి చేరుకుంది. దీంతో ట్రంప్​ మద్దతుదారులు చుట్టుముట్టి యూఎస్​ఏ! యూఎస్​ఏ! అంటూ నినాదాలు చేశారు. దీంతో ఘర్షణలు చోటు చేసుకున్నాయి' అని వార్తా సంస్థ తెలిపింది.

ఈ ఘర్షణలో ఇరువర్గాల్లోని పలువురు గాయపడ్డారు. రంగంలోకి దిగిన పోలీసులు పరిస్థితిని అదుపు చేసి... 10మందిని అరెస్టు చేశారు.

ఇదీ చూడండి:'నిజమే.. అల్‌ఖైదా నెం.2 హతమయ్యాడు'