అగ్రరాజ్యం అమెరికాలో కరోనా వైరస్ బారినపడి మృతిచెందిన వారి సంఖ్య 3,415కు చేరింది. ఫలితంగా కరోనా మరణాల్లో చైనాను దాటేసింది. ఇక వైరస్ బారిన పడ్డవారి సంఖ్య 1,75,067కు పెరిగినట్లు జాన్ హాప్కిన్స్ యూనివర్సిటీ వెల్లడించింది. ఇక ఇప్పటి వరకు అమెరికాలో 10లక్షల మందికి కరోనా నిర్ధరణ పరీక్షలు నిర్వహించామని అధ్యక్షుడు డొనాల్డ్‌ ట్రంప్‌ వెల్లడించారు. ప్రతిరోజు దాదాపు లక్ష నమూనాలను పరీక్షిస్తున్నామని ఆరోగ్యశాఖ కార్యదర్శి అలెక్స్‌ అజర్‌ తెలిపారు.
భారత్‌లో ఉన్న అమెరికన్లను తమ దేశానికి తీసుకెళ్లేందుకు సన్నాహాలు చేస్తున్నామని ట్రంప్‌ పాలకవర్గం తెలిపింది. ఇప్పటి వరకు 50 దేశాల్లో ఉన్న దాదాపు 25 వేల మంది అమెరికన్లను సొంత దేశానికి తీసుకెళ్లామని వెల్లడించింది. వివిధ దేశాల్లో ఉన్న మరో 9 వేల మంది అమెరికాకు వెళ్లడానికి ఆసక్తి వ్యక్తపరచారని పేర్కొంది.