చైనా ఎలక్ట్రానిక్స్ సంస్థపై అమెరికా ఆంక్షలు

చైనాకు చెందిన మరో సంస్థకు సంబంధించిన ఎగుమతులపై అమెరికా ఆంక్షలు విధించినట్లు ఓ ప్రముఖ పత్రిక నివేదించింది. తమ పరికరాలను చైనా మిలిటరీ ఉపయోగిస్తే ప్రమాదమని చెబుతూ అమెరికా వాణిజ్య శాఖ ఈ చర్యలు చేపట్టిందని సౌత్ చైనా మార్నింగ్ పోస్ట్ తెలిపింది.

వాణిజ్యం, కరోనా వ్యాప్తి అంశాల్లో చైనాపై గుర్రుగా ఉన్న అమెరికా ఆంక్షల అస్త్రాలను ప్రయోగిస్తోంది. తాజాగా చైనాకు చెందిన ఎలక్ట్రానిక్స్ తయారీ సంస్థ సెమీకండక్టర్​ మ్యానుఫాక్చరింగ్ ఇంటర్నేషనల్ కార్పొరేషన్​ (ఎస్​ఎంఐసీ)కి ఎగుమతులపై నిషేధం విధించింది.

తమ పరికరాలను చైనా మిలిటరీ ఉపయోగిస్తే ప్రమాదమని చెబుతూ అమెరికా వాణిజ్య శాఖ ఈ చర్యలు చేపట్టిందని సౌత్ చైనా మార్నింగ్ పోస్ట్ తెలిపింది. కంప్యూటర్​ చిప్​ల దిగుమతిలో అమెరికాపై చైనా భారీగా ఆధారపడింది. గత రెండేళ్లలో సుమారు 300 బిలియన్ డాలర్ల విలువైన చిప్​లను దిగుమతి చేసుకుంది చైనా.

కొన్ని రోజులుగా చైనా సంస్థలకు వ్యతిరేకంగా అమెరికా అధ్యక్షుడు డొనాల్డ్ ట్రంప్ కఠిన నిర్ణయాలు తీసుకుంటున్నారు. ఇప్పటికే బైట్​డాన్స్​ (టిక్​టాక్​ మాతృసంస్థ), వీచాట్​ను నిషేధిస్తూ ఆగస్టులో కార్యనిర్వాహక ఆదేశాలు జారీ చేశారు.

ఇదీ చూడండి:నిషేధానికి కొద్ది గంటల ముందు టిక్​టాక్​కు ఊరట