మహిళను చంపి గుండెతో ఆలుగడ్డ కూర!

అమెరికాలో ఒళ్లు గగుర్పొడిచే దారుణ ఘటన జరిగింది. ఓ మహిళను చంపి ఆమె గుండెతో బంగాళదుంపలను కలిపి కూర వండాడు ఉన్మాది. ఆ ఆహారాన్ని తన కుటుంబసభ్యులకు తినిపించాలనుకున్నాడు. ఈ క్రమంలో.. తన మామ, అతని మనుమరాలిని కూడా హత్య చేశాడు. అత్త త్రుటిలో బయటపడింది. ఇలా మొత్తం ముగ్గురిని పొట్టన పెట్టుకున్న నిందితుడిని పోలీసులు అరెస్టు చేశారు.

అమెరికా ఓక్లహామాలో దారుణ ఘటన వెలుగులోకి వచ్చింది. చికాషాలోని తన పక్కింట్లో ఉండే మహిళను చంపాడు లారెన్స్​ పాల్​ అండర్సన్​ అనే వ్యక్తి. ఆ తర్వాత.. ఆమె గుండె బయటకు తీసి బంగాళదుంపల్లో కలిపి కూర చేశాడు.

ఆ ఆహారాన్ని తన కుటుంబసభ్యులకు వడ్డించాలనుకున్నాడు. ఈ క్రమంలోనే.. వారిపై దాడి చేయగా అండర్సన్​ మామ లియో పై, అతని మనుమరాలు కయెస్​ యేట్స్ చనిపోయారు. తీవ్ర గాయాలపాలైన తన అత్త డెల్సీ త్రుటిలో బయటపడింది. ఇలా మొత్తం ముగ్గురిని కిరాతకంగా చంపేశాడు.

దెయ్యాల నుంచి కాపాడేందుకే..

సమాచారం తెలుసుకున్న పోలీసులు.. అండర్సన్​ను ఘటనా స్థలంలోనే అరెస్టు చేశారు. విచారణలో భాగంగా.. నిందితుడు నేరాన్ని ఒప్పుకున్నాడు. దెయ్యాల నుంచి కుటుంబాన్ని కాపాడుకునేందుకే గుండె కూర తినిపించేందుకు ప్రయత్నించానని అతడు చెప్పడం గమనార్హం.

అండర్సన్​కు గతంలో నేర చరిత్ర ఉంది. ఓ కేసులో అతడికి 20 ఏళ్ల జైలు శిక్ష పడింది. ఇటీవలే రాష్ట్ర గవర్నర్​ శిక్షా కాలాన్ని తగ్గించగా ఈ జనవరిలోనే విడుదలయ్యాడు.

ఇదీ చూడండి:మందిర పునాదిలో 4వేల క్వింటాళ్ల నెయ్యి!