అమెరికాలో మహిళను పట్టాలపైకి తోసిన భారతీయుడు

మహిళను రైల్వే పట్టాలపైకి తోసిన ఘటనలో భారత సంతతికి చెందిన ఓ వ్యక్తిని అమెరికా పోలీసులు అరెస్ట్​ చేశారు. బాధితురాలు త్రుటిలో ప్రమాదం నుంచి బయటపడింది. నిందితుడి మానసిక పరిస్థితి సరిగా లేదని పోలీసులు నిర్ధరించారు.

అమెరికాలో నివాసముంటున్న భారత సంతతికి చెందిన ఆదిత్య వేములపాటి అనే వ్యక్తిని అమెరికా మాన్​హట్టన్​ పోలీసులు అరెస్ట్​ చేశారు. మాన్​హట్టన్​ యూనియన్​ స్క్వేర్​లోని రైల్వే స్టేషన్​లో రైలు కోసం చూస్తున్న లిలియానా లానోస్​ అనే మహిళను పట్టాలపైకి తోశాడు ఆదిత్య. ఈ ఘటనలో ఆమెకు గాయలయ్యాయి. వెంటనే నిందితుడిని అదుపులోకి తీసుకున్న పోలీసులు అతనిపై హత్యాచారం కేసు నమోదు చేశారు. నిందితుడి మానసిక పరిస్థితి సరిగా లేదని పోలీసులు నిర్ధరించారు.

అతడిని విచారించిన జడ్జి డిసెంబరు 4వ తేదీ వరకు కస్టడీలో ఉంచాలని ఆదేశించారు.