సామాజిక మాధ్యమ దిగ్గజం ఫేస్బుక్పై అమెరికా ప్రభుత్వం సహా 48 రాష్ట్రాలు, జిల్లాలు అవిశ్వాస వ్యాజ్యం దాఖలు చేశాయి. చిన్న సంస్థలను అణిచివేసేందుకు సామాజిక మాధ్యమాల్లో మార్కెట్ అధికారాన్ని దుర్వినియోగం చేసిందంటూ ఫేస్బుక్పై ఆరోపణలు గుప్పించాయి. ఈ మేరకు ఫేస్బుక్పై అవిశ్వాస వ్యాజ్యం దాఖలు చేసినట్లు ఫెడరల్‌ ట్రేడ్‌ కమిషన్‌, న్యూయార్క్‌ అటార్నీ జనరల్‌ ప్రకటించారు.
ఫేస్బుక్కు షాక్- అమెరికా అవిశ్వాస వ్యాజ్యం
అమెరికా ప్రభుత్వం సహా 48 రాష్ట్రాలు సోషల్ మీడియా దిగ్గజం ఫేస్బుక్కు షాకిచ్చాయి. చిన్న సంస్థలను అణిచివేసేందుకు ఫేస్బుక్ మార్కెట్ అధికారాన్ని దుర్వినియోగం చేసిందనే ఆరోపణలతో అవిశ్వాస వ్యాజ్యం దాఖలు చేశాయి.
ఫేస్బుక్పై అవిశ్వాస వ్యాజ్యం దాఖలు
ఫేస్బుక్ అనుబంధ సామాజిక మాధ్యమాలు ఇన్‌స్టాగ్రామ్‌, వాట్సాప్‌పై ఆ సంస్థ హక్కులు వదులుకోవాలని వ్యాజ్యంలో పేర్కొన్నారు. సంస్థలను ఆక్రమించుకోవడాన్ని ఆపి మార్కెట్‌లో విశ్వాసాన్ని పునరుద్ధరించాలని న్యూయార్క్‌ అటార్నీ జనరల్‌ సూచించారు.
ఇదీ చూడండి:43 శాతం పెరిగిన ఫేస్బుక్ ఇండియా ఆదాయం