'భారత్​కు అన్ని విధాలా అండగా అమెరికా'

భారత్​కు అమెరికా అన్ని విధాలుగా సాయం అందిస్తోందని ఆ దేశ విదేశాంగ అధికారులు పేర్కొన్నారు. ఇండియాలో పరిస్థితిపై విదేశాంగ మంత్రి టోనీ బ్లింకన్​ సహా సీనియర్​ అధికారులు భారత్​ను సంప్రదించి ఎప్పటికప్పుడు సమాచారం తెలుసుకుంటున్నారని తెలిపారు. మరోవైపు భారతీయ అమెరికన్​ ఫిజీషియన్స్​.. భారత్​కు 5000 ఆక్సిజన్​ కాన్సన్​ట్రేటర్స్​ను విరాళంగా అందించారు.

భారత్​కు సాయం అందించేందుకు​ అమెరికా అన్ని విధాలుగా కృషిచేస్తోందని అన్నారు ఆ దేశ విదేశాంగ శాఖ అధికారులు. గత వారంలో భారత్​కు అమెరికా ఆరు విమానాలలో వైద్య పరికరాలు, మందులను పంపించిందని దక్షిణ, మధ్య ఆసియా వ్యవహారాల సలహాదారు ఎర్విన్​ మస్సింగా వెల్లడించారు.

"గత 26ఏళ్లలో అమెరికా ఈ స్థాయిలో సాయం అందించడం నేను ఎప్పుడూ చూడలేదు. ప్రైవేటు రంగం, ప్రజలు, స్వచ్ఛంద సంస్థలు ఇలా అందరూ భారత్​కు అండగా ఉండేందుకు కృషి చేస్తున్నారు. భారత్​లో పరిస్థితిపై విదేశాంగ మంత్రి టోనీ బ్లింకన్​ సహా సీనియర్​ అధికారులు భారత అధికారులను సంప్రదించి ఎప్పటికప్పుడు సమాచారం తెలుసుకుంటున్నారు."

-ఎర్విన్​ మస్సింగా, దక్షిణ ఆసియా వ్యవహారాల సలహాదారు

భారత్​​ పరిస్థితులపై అమెరికా తక్షణమే స్పందించిందని యూఎస్​ ఎయిడ్ ఆసియా​ డెప్యూటీ అసిస్టేంట్​ అడ్మినిస్ట్రేటర్​ అంజలీ కౌర్​ అన్నారు. ఆక్సిజన్​ సంబంధిత వనరుల కొరతపై భారత ప్రభుత్వం విజ్ఞప్తి చేయగానే అమెరికా 1000 ఆక్సిజన్​ కాన్సన్​ట్రేటర్స్​ కొనుగోలుకు నిధులు మంజూరు చేసిందన్నారు. వీటితో పాటు భారత ప్రభుత్వం ఏర్పాటు చేయాలనుకున్న 150 ప్రెజర్​ స్వింగ్​ అబ్సార్ప్​షన్​ ఆక్సిజన్​ జెనరేటింగ్​ ప్లాంట్స్​కు సహాయం అందిస్తోందని పేర్కొన్నారు.

నిధులకు పిలుపు...

భారత్​లో పరిస్థితి ఆందోళనకరంగా ఉందని.. తక్షణమే దేశానికి సాయం అందిచేందుకు నిధులు సమకూర్చాలని అమెరికా చట్టసభ్యురాలు ప్రమీలా జయపాల్​ పిలుపునిచ్చారు. భారత్​ను ఆదుకోవడం అమెరికా నైతిక బాధ్యతన్నారు. విష్​ ఫౌండేషన్​, గివ్​ ఇండియా, ఎడేల్​గివ్​ ఫౌండేషన్​ ద్వారా నిధులు సమకూరుస్తున్నట్లు వెల్లడించారు.

భారతీయ అమెరికన్​ ఫిజీషియన్స్​ సాయం..

ఫెడరేషన్​ ఆఫ్​ ఇండియన్​ ఫిజీషియన్స్​ అసోసియేషన్ (ఎఫ్​ఐపీఏ) ద్వారా భారత్​కు 5000 ఆక్సిజన్​ కాన్సన్​ట్రేటర్స్​ను భారతీయ అమెరికన్​ ఫిజీషియన్లు విరాళంగా ఇచ్చారు. ఇప్పటికే వీటిలో 450 యూనిట్లు అహ్మదాబాద్​ చేరాయని.. మరో 325 యూనిట్లు దిల్లీకి, 300 యూనిట్లు ముంబయికి త్వరలో చేరుతాయని స్పష్టం చేశారు. మరో 3500 యూనిట్లను త్వరలో పంపిణీ చేస్తామని పేర్కొన్నారు.

ఇదీ చదవండి :చైనా సినోఫామ్ టీకాకు డబ్ల్యూహెచ్​ఓ అనుమతి