లైవ్​ వీడియో: దొంగ పరార్​.. సైకిల్​పై పోలీస్ ఛేజ్​

పారిపోతున్న ఓ నిందితుడిని పోలీసు సైకిల్​పై ఛేజ్ చేసి పట్టుకున్న ఘటన అమెరికాలోని అట్లాంటాలో జరిగింది. ప్రస్తుతం ఈ వీడియో వైరల్​ అవుతోంది. నిందితుడిపై హత్యారోపణలు ఉన్నట్లు పోలీసులు తెలిపారు.

మీరెప్పుడైనా దొంగ, పోలీసు ఛేజింగ్ చూశారా? దొంగ పారిపోతుంటే... పోలీసులు జీపుతోనో, బైక్​తోనే తరుముకుంటూ వెళ్లి పట్టుకుంటారు. కానీ ఓ అమెరికన్ పోలీసు మాత్రం సైకిల్​పై ఛేజ్ చేసి ఓ కరుడుగట్టిన నేరస్థుడిని పట్టుకున్నారు. ఆశ్చర్యంగా ఉందా? మీరే చూడండి.

అమెరికాలోని అట్లాంటాలో హత్యారోపణలు ఎదుర్కొంటున్న నికోలస్ ఫోన్సెకా అనే నిందితుడు పోలీసుల నుంచి తప్పించుకుని పారిపోయాడు. అతన్ని పట్టుకునేందుకు పోలీసులు వెంటబడ్డారు. కానీ వాడి వేగాన్ని అందుకోలేకపోయారు.

దీనితో ఓ పోలీసు దారిన పోతున్న ఓ సైక్లిస్ట్​ను ఆపి, అతని సైకిల్​ని బదులు తీసుకున్నారు. ఆ సైకిల్​తోనే నిందితుడిని చేజ్ చేస్తూ.. అతను పారిపోతున్న మార్గాన్ని మిగతా పోలీసులకు తెలియజేశారు. దీనితో పోలీసులు చాకచక్యంగా పారిపోతున్న నిందితుడిని వలవేసి పట్టుకున్నారు. ఈ వీడియోను సామాజిక మాధ్యమాల్లో పోస్టు చేయగా.. విపరీతమైన ఆదరణ లభిస్తోంది.

21 ఏళ్ల నికోలస్ ఫోన్సెకా హత్య కేసులో ప్రధాన నిందితుడు. ప్రస్తుతం అతనిని ఫుల్టన్ కౌంటీ జైలుకు తరలించారు.

ఇదీ చూడండి:ఈ విషయాల్లో మౌనమే ట్రంప్ కొంప ముంచుతోంది!