వీడియో: ఒంటి చేత్తో చిన్నారిని కాపాడిన బ్రావోదళం

సెంట్రల్​ అమెరికాలోని హోండరస్​లో ఎటా తుపాను బీభత్సం సృష్టిస్తోంది. నదులు పొంగడం వల్ల అనేక ప్రాంతాలు నీటమునిగాయి. రంగంలోకి దిగిన అమెరికా సైన్యం సహాయక చర్యలను ముమ్మరం చేసింది. వరద ప్రభావిత ప్రాంతం నుంచి ఓ చిన్నారిని సాహసోపేతంగా రక్షించింది.

ఎటా తుపాను బీభత్సానికి సెంట్రల్​ అమెరికా గజగజలాడుతోంది. ముఖ్యంగా హోండురస్​ ప్రాంతం వణికిపోతోంది. అనేక ప్రాంతాలు నీటిలో మునిగిపోయాయి. ఈ నేపథ్యంలో అమెరికా సైన్యానికి చెందిన జాయింట్​ టాస్క్​ఫోర్స్​- బ్రావోదళం రంగంలోకి దిగింది. వరద ప్రభావిత ప్రాంతాల్లోని ప్రజలకు సహాయక చర్యలు ముమ్మరం చేసింది. ఇందులో భాగంగా వరదల్లో చిక్కుకున్న ఓ చిన్నారిని హెలికాప్టర్​ ద్వారా సాహసోపేతంగా రక్షించిన వీడియోను సామాజిక మాధ్యమాల్లో పోస్ట్​ చేసింది టాస్క్​ఫోర్స్​. ఇప్పటివరకు 11మందిని కాపాడినట్టు పేర్కొంటూ.. సహాయక చర్యలను కొనసాగించేందుకు ప్రభుత్వంతో కలిసి పనిచేస్తున్నట్టు వెల్లడించింది.

హోండురస్​లో తుపాను ధాటికి నదులు ఉప్పొంగాయి. సమీప ప్రాంతాలు జలమయమయ్యాయి. అనేక మంది ఇళ్లపైకి చేరి సహాయం కోసం ఎదురుచూస్తున్నారు. తుపాను వల్ల సెంట్రల్​ అమెరికావ్యాప్తంగా ఇప్పటివరకు 100 మందికిపైగా ప్రాణాలు కోల్పోయినట్టు అధికారులు అంచనా వేశారు.

ఇదీ చూడండి:-15వ కాన్పులో ఆడపిల్ల- నెరవేరిన 30ఏళ్ల కల