చైనా కోస్ట్ గార్డ్ చట్టంపై అమెరికా ఆందోళన

దక్షిణ చైనా సముద్రాన్ని పూర్తిగా తన అధీనంలోకి తెచ్చుకునేందుకు చైనా..గత నెలలో చేసిన కోస్ట్​ గార్డు చట్టంపై అమెరికా ఆందోళన వ్యక్తం చేసింది. ఈ చట్టం వల్ల సముద్రం సరిహద్దులో ఉద్రిక్తతలు, వివాదాలు పెరుగుతాయంది. విదేశీ వాహన నౌకలు.. దక్షిణ చైనా సముద్రంలోకి రాకుండా బలగాలను మోహరించి కట్టడి చేయాలని ఈ చట్టంలో పేర్కొన్నారని అమెరికా విదేశాంగ ప్రతినిధి నెడ్​ ప్రైస్ తెలిపారు.

చైనా నూతనంగా తీసుకొచ్చిన కోస్ట్​ గార్డు చట్టంపై అమెరికా ఆందోళన వ్యక్తం చేసింది. ఈ చట్టం వల్ల దక్షిణ చైనా సముద్రంలో సరిహద్దు వివాదాలు పెరుగుతాయని మండిపడింది. విదేశీ వాహన నౌకలు.. దక్షిణ చైనా సముద్రంలోకి రాకుండా బలగాలను మోహరించి కట్టడి చేయాలని.. ఈ చట్టంలో ఉందని అమెరికా విదేశాంగ ప్రతినిధి నెడ్​ ప్రైస్ తెలిపారు.

" అమెరికాతో పాటు ఫిలిప్పైన్స్, వియత్నాం, ఇండోనేసియా, జపాన్ దేశాలు సైతం చైనా వైఖరిపై మండిపడుతున్నాయి. ఈ చట్టం వల్ల ప్రస్తుతం దక్షిణ చైనా సముద్రంలో ఉన్న ఉద్రిక్తతలు మరింత పెరిగే అవకాశం ఉంది. ఈ చట్టాన్ని చైనా.. ఆ దేశ ప్రాంతీయ భాషలో రూపొందించింది. ఆ భాషలోని భావం ప్రకారం.. చైనా కోస్టు గార్డు చుట్టూ భారీగా బలగాలను మోహరించి.. గస్తీ నిర్వహించాలని ఉంది. ఈ చట్టంలో.. ఇతర దేశాల ఆర్థిక విధానాలకు అడ్డుకట్ట వేయాలని సైతం ఉంది."

-- నెడ్​ ప్రైస్​, అమెరికా విదేశాంగ ప్రతినిధి

ప్రస్తుతం చైనా.. దక్షిణ చైనా సముద్రం, తూర్పు చైనా సముద్రంలో కృత్రిమ ద్వీపాలను నిర్మించి. .ఆ ప్రాంతాన్ని తన అధీనంలోకి తెచ్చుకునే ప్రయత్నంలో ఉంది. ఈ రెండు ప్రాంతాలు విలువైన ఖనిజాలు, సహజ వనరల నిక్షేపాలకు నెలవు.

దక్షిణ చైనా సముద్రం మొత్తం తమదే అని చైనా ప్రభుత్వం.. మొదటినుంచి తన ఆధిపత్యాన్ని ప్రదర్శిస్తూ వస్తోంది. అయితే వియత్నాం, ఫిలిప్పైన్స్ మలేసియా, బ్రునీ, తైవాన్​ దేశాలు సైతం ఆ సముద్రంలో తమకు హక్కు ఉందని వాదిస్తున్నాయి.

ఇదీ చదవండి :చైనా దూకుడుకు కళ్లెం- అమెరికా కాంగ్రెస్​లో బిల్లు!