విజయం సరే... వ్యర్థాల మాటేంటి: నిపుణులు

భారతదేశం ప్రయోగించిన ఉపగ్రహ విధ్వంసక క్షిపణి వల్ల అంతరిక్షంలో వ్యర్థాలు పెరిగాయని అమెరికా నిపుణులు ఆవేదన వ్యక్తం చేశారు. ఆ వ్యర్థాలు ఇతర ఉపగ్రహాలను ఢీకొంటే ఘోర ప్రమాదం జరుగుతుందని హెచ్చరించారు

భారత్ బుధవారం​ ప్రయోగించిన ఉపగ్రహ విధ్వంసక క్షిపణి అంతరిక్షంలో వందల సంఖ్యలో శకలాలను మిగిల్చిందని అమెరికా రోదసీ​ నిపుణులు ఆవేదన వ్యక్తం చేశారు. ఇలాంటి వ్యర్థాలను నివారించేందుకు ప్రపంచదేశాలు ఎన్నో ఏళ్లుగా కృషిచేస్తుంటే... ఇప్పుడు మాత్రం అందుకు భిన్నమైన పరిస్థితి ఏర్పడిందని వ్యాఖ్యానించారు.

అంతరిక్షంలో వ్యర్థాలు సృష్టించరాదని అంతర్జాతీయంగా ఎలాంటి నిబంధన లేదని అమెరికా నెబ్రాస్కా-లింకన్​ విశ్వవిద్యాలయం ఆచార్యుడు ఫ్రాన్స్​ ఓన్​ డెర్​ డంక్​ చెప్పారు. అయితే... ఇతర దేశాలకు ముందస్తు సమాచారం ఇవ్వకుండా ఏశాట్​ పరీక్ష నిర్వహించడం 1967 రోదసీ ఒప్పందాన్ని ఉల్లంఘించడమేనంటూ భారత్​ను తప్పుబట్టారు.

చిన్న పరిమాణంలో ఉండే వ్యర్థమైనా వేగంగా ఇతర ఉపగ్రహాలను ఢీకొంటే ఊహకందని ప్రమాదం జరుగుతుందని హెచ్చరించారు డంక్​. ప్రయోగం వల్ల ఏర్పడిన వ్యర్థాలు భూ వాతావరణంలో పడిపోవడానికి అనేక వారాలు పడుతుందని తెలిపారు.

ఇదీ చూడండీ:భారత్​ 'మిషన్​ శక్తి'పై అగ్రరాజ్యం మిశ్రమ స్పందన