కరోనా దెబ్బకు అమెరికా ఆర్థిక వ్యవస్థ 33 శాతం పతనం

కరోనా మహమ్మారి దెబ్బకు అగ్రరాజ్యం ఛిన్నాభిన్నమైంది. చరిత్రలో ఎన్నడూ లేని విధంగా ఏప్రిల్-జూన్​ త్రైమాసికంలో ఆర్థిక వ్యవస్థ 33 శాతం పతనమైనట్లు ప్రభుత్వం తెలిపింది. నిరుద్యోగం రేటు కూడా 14.7 శాతానికి పెరిగినట్లు వెల్లడించింది.

కరోనా కోరల్లో చిక్కుకుని విలవిల్లాడుతోంది అమెరికా. మహమ్మారి కారణంగా చరిత్రలో ఎన్నడూ లేని విధంగా ఆర్థిక వ్యవస్థ పతనమైంది. ఏప్రిల్-జూన్ త్రైమాసికంలో వార్షిక రేటు 33 శాతం క్షీణించినట్లు ప్రభుత్వం వెల్లడించింది. సంక్షోభం కారణంగా లక్షలాది మంది ఉద్యోగాలు కోల్పోవడం వల్ల నిరుద్యోగ రేటు గణనీయంగా 14.7 శాతానికి పెరిగినట్లు తెలిపింది.

కొవిడ్​ కారణంగా ప్రపంచంలోనే అత్యంత తీవ్రంగా ప్రభావితమైంది అమెరికా. ఏ దేశంలో లేని విధంగా 4,583,662 మంది వైరస్​ బారిన పడ్డారు. 154,187 మంది చనిపోయారు. ఆర్థిక రంగం తీవ్రంగా దెబ్బతింది.