చెర్రీ పూల సొగసు చూడతరమా?

వాషింగ్టన్​ డీసీ జాతీయ పార్క్​లో చెర్రీ పూల పండుగను చూసేందుకు దేశవిదేశాల నుంచి సందర్శకులు తరలివస్తున్నారు. ప్రకృతి రమణీయతను చూసి ఆనందిస్తున్నారు.

అమెరికాకు చెర్రీ పూలు వసంతం తీసుకువచ్చాయి. పరిపూర్ణంగా వికసించిన ఈ దవళ వర్ణ పుష్పాలను చూడడానికి దేశ విదేశాల నుంచి సందర్శకులు వాషింగ్టన్​ డీసీకి చేరుకుంటున్నారు. చెర్రీ పూల సొగసులను ప్రకృతి ప్రేమికులు తనివితీరా ఆస్వాదిస్తున్నారు.

లేత గులాబీ, శ్వేత వర్ణాలతో శోభిల్లే ఈ చెర్రీ పుష్పాలు మరో వారం రోజుల వరకూ పూస్తూనే ఉంటాయని జాతీయ పార్క్​ సిబ్బంది తెలిపారు.