శాన్​డియెగోలో పడవ బోల్తా- ముగ్గురు మృతి

అమెరికాలో ఓ పడవ బోల్తాపడింది. శాన్​డియెగో తీరంలో జరిగిన ఈ ఘటనలో ముగ్గురు మృతిచెందారు. సుమారు 27 మందికిపైగా గాయాలయ్యాయి.

అమెరికాలోని శాన్​డియెగో తీర ప్రాంతం సమీపంలో ఓ పడవ బోల్తా పడింది. ఈ ఘటనలో ముగ్గురు ప్రాణాలు కోల్పోయారు. సుమారు 27 మంది గాయపడ్డారు. క్షతగాత్రులను ఆస్పత్రికి తరలించినట్టు స్థానిక అధికారులు తెలిపారు.

ఇదీ జరిగింది..

మెక్సికో నుంచి చట్ట విరుద్ధంగా ప్రజలను అమెరికాకు తరలించేందుకు స్మగ్లర్లు ఉపయోగించే చెక్కతో తయారైన ఓ పడవ.. శాన్​డియెగోలోని పాయింట్​ లోమా ద్వీపకల్ప సమీపంలో బోల్తాపడింది. విషయం తెలుసుకున్న అక్కడి అధికారులు వెంటనే సహాయక చర్యలు చేపట్టారు. గాయపడిన వారిని స్థానిక ఆస్పత్రికి తరలించారు.

శాన్​డియెగో తీరంలోనే జరిగిన మరో ఘటనలో.. యూఎస్​లోకి అక్రమంగా ప్రవేశించేందుకు ప్రయత్నించిన మెక్సికన్లను అధికారులు అడ్డుకున్నారు. ఆ పడవలో ఇద్దరు వ్యక్తులు, అనుమానిత స్మగ్లర్లు పట్టుబడ్డారు.

ఇదీ చదవండి:విస్కాన్సిన్​ క్యాసినోలో కాల్పుల కలకలం