చైనా అధికారులపై అమెరికా వీసా ఆంక్షలు

చైనాపై కీలక నిర్ణయం తీసుకుంది అమెరికా. టిబెట్​ అంగీకారంతో తాము ఏర్పాటు చేసిన చట్టానికి అనుగుణంగా తమ వారిని అక్కడికి వెళ్లేందుకు చైనా అనుమతించని నేపథ్యంలో ఈ వ్యవహారంలో కీలకంగా ఉన్న నేతల వీసాలపై ఆంక్షలు విధించనున్నట్లు చెప్పింది. ఈ మేరకు అమెరికా విదేశాంగ శాఖమంత్రి మైక్ పాంపియో ప్రకటన విడుదల చేశారు.

చైనా అధికారులను అమెరికాలోకి అనుమతించే అంశమై కీలక నిర్ణయం తీసుకుంది అగ్రరాజ్యం అమెరికా. టిబెట్​తో తాము ఏర్పాటు చేసుకున్న చట్టానికి అనుగుణంగా తమ అధికారులు, పౌరులను అక్కడికి వెళ్లేందుకు అనుతించకపోవడమే ఇందుకు కారణమని తెలిపింది.

"టిబెట్​కు విదేశీయుల రాకను అడ్డుకోవడంలో భాగమవుతున్న అధికారుల వీసాలపై ఆంక్షలు విధిస్తున్నాం. టిబెట్​తో పరస్పరం అన్యోన్యంగా ఉండేందుకే ఆశిస్తున్నాం."

-మైక్ పాంపియో ట్వీట్

టిబెట్ భూభాగంలో పర్యటించేందుకు అమెరికాకు చెందిన దౌత్యవేత్తలు సహా ఇతరులెవరినీ చైనా అనుమతించడం లేదని చెప్పారు పాంపియో. అయితే చైనా అధికారులు మాత్రం యథేచ్చగా అమెరికాను సందర్శిస్తున్నారని చెప్పారు. టిబెట్​ సందర్శనకు అనుమతించని కారణంగానే చైనా ప్రభుత్వం, కమ్యూనిస్ట్ పార్టీ అధికారుల అమెరికా వీసాలపై ఆంక్షలు విధిస్తున్నట్లు చెప్పారు.

టిబెట్​లోని సామాజిక వర్గాల ఆర్థిక వృద్ధి, పర్యావరణ పరిరక్షణ, మానవీయ విలువలను పెంచేందుకు ఉద్దేశించిన తమ కార్యాచరణను కొనసాగిస్తామని చెప్పారు పాంపియో.

ఇదీ చూడండి:నేపాల్​ స్టాండింగ్ కమిటీ సమావేశం మళ్లీ వాయిదా