తెలంగాణ

telangana

ETV Bharat / international

అమెరికాలో కాల్పుల మోత.. 20 మంది మృతి​ - ట్రంప్​

మరో కాల్పుల ఘటనతో అమెరికా ఉలిక్కిపడింది. టెక్సాస్​లోని సియాలో విస్టా షాపింగ్​​ మాల్​లో జరిగిన హింసాకాండకు దాదాపు 20 మంది ప్రాణాలు కోల్పోయారు. ఒకరి కంటే ఎక్కువ మంది ఆగంతకులు కాల్పులు జరిపి ఉంటారని అధికారులు అంచనా వేస్తున్నారు.

అమెరికా: కాల్పుల మోతతో ఉలిక్కిపడ్డ టెక్సాస్​

By

Published : Aug 4, 2019, 4:31 AM IST

Updated : Aug 4, 2019, 8:39 AM IST

అమెరికా: కాల్పుల మోతతో ఉలిక్కిపడ్డ టెక్సాస్​

అమెరికాలో మరోసారి కాల్పుల మోత మోగింది. టెక్సాస్​లోని ఎల్​పాసో నగరంలో ఉన్న సియలో విస్టా షాపింగ్​ మాల్​లో ఆగంతకులు తుపాకులతో కాల్పులు జరిపారు. ఈ ఘటనలో సుమారు 20 మంది ప్రాణాలు కోల్పోయారు. మృతుల సంఖ్య మరింత పెరిగే అవకాశముందని అధికారులు తెలిపారు. అనేక మంది గాయపడ్డారు. క్షతగాత్రులను ఆసుపత్రికి తరలించి చికిత్స అందిస్తున్నారు.

ఈ ఘటనకు సంబంధించి ఒకరిని పోలీసులు అదుపులోకి తీసుకున్నారు. ఒకరి కంటే ఎక్కువ మంది ఆగంతకులు కాల్పులకు తెగబడి ఉండొచ్చని అధికారులు అంచనా వేస్తున్నారు.

కాల్పుల శబ్దాలకు మాల్​లోని ప్రజలు ప్రాణాలు అరచేతిలో పెట్టుకుని బయటకు పరుగులు తీశారు.

"బిల్​ కట్టడానికి ఎదురుచూస్తుండగా కొంతమంది తుపాకులతో మాల్​ లోపలికి వచ్చారు. కనీసం ముగ్గురు లేదా నలుగురు తుపాకులతో కాల్పులు జరిపారు. అందరూ నల్లదుస్తులనే ధరించారు. చాలా భయమేసింది."
--- ఆండ్రియాన, ప్రత్యక్ష సాక్షి.

కాల్పుల ఘటనపై ట్రంప్​ స్పందన...

టెక్సాస్​ కాల్పుల ఘటనను అమెరికా అధ్యక్షుడు డొనాల్డ్​ ట్రంప్​ ఖండించారు. మృతులకు సంతాపం తెలిపారు. కాల్పుల ఘటన భయానకమని ట్వీట్​ చేశారు.

అగ్రరాజ్యంలో కాల్పుల ఘటనలు పెరిగిపోతున్నాయి. వారం రోజుల వ్యవధిలో ఇది రెండో ఘటన. గత వారమే అమెరికాలోని ఓ షాపింగ్​మాల్​లో కాల్పుల మోత మోగింది.అంతకు ముందు కాలిఫోర్నియాలోని ఓ ఫుడ్​ ఫెస్ట్​లో ఆగంతకుడు తుపాకీతో విరుచుకుపడ్డాడు.

Last Updated : Aug 4, 2019, 8:39 AM IST

ABOUT THE AUTHOR

...view details