కరోనా టీకా తొలి డోసు తీసుకున్న ఐరాస చీఫ్​

ఐక్యరాజ్యసమితి ప్రధాన కార్యదర్శి ఆంటోనియో గుటెరస్​ కొవిడ్​-19 టీకా​ తొలి డోసు తీసుకున్నారు. వ్యాక్సినేషన్​ అనంతరం హర్షం వ్యక్తం చేసిన ఆయన.. ఇందుకు సహకరించిన వారందరికీ కృతజ్ఞతలు తెలిపారు.

ఐక్యరాజ్య సమితి ప్రధాన కార్యదర్శి ఆంటోనియో గుటెరస్.. కరోనా టీకా తొలి డోసు తీసుకున్నారు. 71 ఏళ్ల గుటెరస్​కు.. న్యూయార్క్​ సిటీ పబ్లిక్​ స్కూల్​లో మోడెర్నా వ్యాక్సిన్​ తొలి డోసు ఇచ్చారు వైద్యులు. వ్యాక్సినేషన్​ అనంతరం హర్షం వ్యక్తం చేశారు గుటెరస్​.

వ్యాక్సినేషన్​ ప్రక్రియ అన్ని దేశాల్లో ప్రారంభమైందని.. అందరికీ అందుబాటులో ఉండేలా ఆయా దేశాలు చర్యలు చేపట్టాలని తెలిపారు గుటెరస్​. ప్రజలు కూడా వీలైనంత త్వరగా టీకా తీసుకోవాలని ట్విట్టర్​ వేదికగా కోరారు.

"ఈ రోజు నేను కరోనా టీకా తొలి మోతాదు వేయించుకున్నాను. ఇది నా అదృష్టం. వ్యాక్సినేషన్​కు సహకరించిన వారందరికీ కృతజ్ఞతలు. టీకా అందరికీ అందుబాటులో ఉండేలా ఆయా దేశాలు చర్యలు చేపట్టాలి. మహమ్మారి నుంచి మనమందరం సురక్షితంగా బయటపడాలని ఆకాంక్షిస్తున్నా."

- ఆంటోనియో గుటెరస్​, ఐక్యరాజ్యసమితి ప్రధాన కార్యదర్శి

ఇదీ చదవండి:లిక్విడ్ నైట్రోజన్ లీక్- ఆరుగురు మృతి