"చైనా సమయం కోరింది : ఐరాస"

మసూద్​ అజార్​ను అంతర్జాతీయ ఉగ్రవాదిగా గుర్తించాలన్న ప్రతిపాదనపై.. చైనా మరింత సమయం కోరిందని భద్రతా మండలి ఆంక్షల కమిటీ సభ్యులకు ఐరాస సచివాలయం తెలిపింది. గడువు పూర్తయ్యే సమయానికి గంట ముందు చైనా అభ్యంతరం వ్యక్తం చేసినట్లు వెల్లడించింది.

జైషే మహ్మద్​ ఉగ్రసంస్థ అధినేత మసూద్​ అజార్​ను అంతర్జాతీయ ఉగ్రవాదిగా గుర్తించే ప్రతిపాదనపై నిర్ణయం తెలిపేందుకు మరింత సమయం కావాలని చైనా కోరినట్లు ఐక్యరాజ్యసమితి సచివాలయం వెల్లడించింది. ప్రతిపాదనపై గడువు ముగిసే సమయానికి గంట ముందు అభ్యంతరం వ్యక్తం చేసినట్లు భద్రతా మండలి ఆంక్షల కమిటీ సభ్యులకు తెలిపింది.

మసూద్​ను 1267 ఆంక్షల జాబితాలో చేర్చాలని ఐరాస భద్రతా మండలిలో గతనెల 27న శాశ్వత సభ్యులైన ఫ్రాన్స్, బ్రిటన్​, అమెరికా దేశాలు ప్రతిపాదించాయి.

" మసూద్​ అజార్​ను ఆంక్షల జాబితాలో చేర్చాలన్న అమెరికా, బ్రిటన్​, ఫ్రాన్స్​ దేశాల ప్రతిపాదనపై చైనా మరింత సమయం కావాలని కోరింది." - ఐరాస

ఆరు నెలల గడువు

ఆజార్​​ విషయంలో నిర్ణయానికి మరింత సమయం కావాలని తెలిపిన చైనా ప్రతిపాదనకు ఆరు నెలల గడువు ఉంటుంది. కమిటీ సభ్యులు కోరితే మరో మూడు నెలల వరకు పొడిగించే అవకాశం ఉంది.

చైనా మరోమారు మసూద్​ విషయాన్ని నిలిపేసింది. భారత ప్రతిపాదనకు మద్దతు పలికిన అన్ని దేశాలకు కృతజ్ఞతలు తెలియజేస్తూ ట్వీట్​ చేశారు ఐరాసలో భారత శాశ్వత ప్రతినిధి సయ్యద్​ అక్బరుద్దీన్​.

ఇదీ చూడండీ:భారత్​పై మరోసారి చైనా కుటిల నీతి