ఇటీవల విడుదలైన ఓ బాలీవుడ్ చిత్రంపై అమెరికా అధ్యక్షుడి దృష్టి పడింది. ఈ మేరకు ట్రంప్ సదరు బాలీవుడ్ చిత్రాన్ని ప్రశంసిస్తూ ఓ ట్వీట్ కూడా పెట్టారు. 'అంధాధున్‌' చిత్రంతో ఉత్తమ నటుడిగా జాతీయ అవార్డును అందుకున్న ఆయుష్మాన్‌ ఖురానా కథానాయకుడిగా నటించిన సినిమా 'శుభ్‌ మంగళ్‌ జ్యాదా సావధాన్‌'. స్వలింగ సంపర్కుల (గే) మధ్య ఉండే ప్రేమాభిమానాలను గురించి తెలియజేసే విభిన్నమైన కథాంశంతో తెరకెక్కిన ఈ చిత్రానికి హితేశ్‌ కేవల్యా దర్శకత్వం వహించారు. ఈ సినిమాలో ఆయుష్మాన్‌ ఖురానాతోపాటు జితేంద్ర కుమార్‌ ప్రధాన పాత్రలో నటించారు. శుక్రవారం ఈ సినిమా విడుదలై మంచి విజయం సాధించింది.
'శుభ్‌ మంగళ్‌ జ్యాదా సావధాన్‌' సినిమా విడుదలను తెలియజేస్తూ ఇటీవల స్వలింగ సంపర్కుల హక్కుల కార్యకర్త పీటర్ టాట్చెల్ ట్విట్టర్‌ వేదికగా ఓ ట్వీట్ పెట్టారు.