'పారాసైట్​'పై ట్రంప్​ ఫైర్- ఆస్కార్ ఎలా ఇస్తారని ప్రశ్న

'పారాసైట్​'కు ఉత్తమ చిత్రం విభాగంలో ఆస్కార్​ అవార్డు ఇవ్వడంపై అసంతృప్తి వ్యక్తం చేశారు అమెరికా అధ్యక్షుడు డొనాల్డ్​ ట్రంప్​. దక్షిణకొరియా సినిమాకు అంతటి గొప్ప గౌరవాన్ని ఎలా ఇస్తారని ప్రశ్నించారు. కొలరాడోలో జరిగిన ఎన్నికల ప్రచార సభలో ఆయన ఈ వ్యాఖ్యలు చేశారు.

దక్షిణ కొరియా చిత్రం 'పారాసైట్​'కు ఆస్కార్​ అవార్డు ఇవ్వడంపై అసహనం వ్యక్తం చేశారు అమెరికా అధ్యక్షుడు డొనాల్డ్​ ట్రంప్. వాణిజ్యం విషయంలో అమెరికాతో ఎన్నో విభేదాలు ఉన్న దక్షిణ కొరియాకు చెందిన సినిమాకు అవార్డును ఎలా ఇస్తారని జ్యూరీని ప్రశ్నించారు ట్రంప్​.

అవార్డు ఎంపిక విషయంలో ఘోర తప్పిదం జరిగిందన్నారు ట్రంప్​. కొలరాడోలో జరిగిన ఎన్నికల సభలో ఆయన ఈ వ్యాఖ్యలు చేశారు.

"దక్షిణ కొరియాకు చెందిన 'పారాసైట్​' సినిమా ఉత్తమ చిత్రం విభాగంలో ఆస్కార్​ అవార్డుకు ఎంపికైంది. ఆ సినిమా ఎలా ఉందో నాకు తెలియదు. అమెరికాతో వాణిజ్య విభేదాలున్న దేశాల్లో దక్షిణ కొరియా తొలిస్థానంలో ఉంది. అలాంటి దేశానికి చెందిన సినిమాకు హాలీవుడ్​లో అత్యుత్తమ బహుమతిని ఎలా ఇస్తారు?"

- డొనాల్డ్​ ట్రంప్​, అమెరికా అధ్యక్షుడు

జాతీయవాద నినాదంతో మొదటిసారి అమెరికా అధ్యక్ష పదవిని అధిష్ఠించారు ట్రంప్​. రెండోదఫా ఎన్నికల్లోనూ 'అమెరికా ఫస్ట్' అనే నినాదాన్నే ఎంచుకున్నారు. ​

'బ్రాడ్​పిట్​' పైనా...

హాలీవుడ్​ను క్లాసిక్ స్వర్ణయుగంలోకి తీసుకురావడానికి ఇదే మంచి సమయమని వ్యాఖ్యానించారు డొనాల్డ్​ ట్రంప్​. ఈ క్రమంలో తన అభిశంసన తీర్మానానికి మద్దతు పలికిన బ్రాడ్​పిట్​పై కూడా వ్యంగ్యాస్త్రాలు సంధించారు​. ఉత్తమ సహాయ నటుడి విభాగంలో ఆస్కార్​ అవార్డు గెలుచుకున్న పిట్​ను తెలివి తక్కువవాడిగా అభివర్ణించారు అగ్రరాజ్య అధ్యక్షుడు.

ఇదీ చదవండి:మాటల్లో తెంపరి, చేతల్లో ట్రంపరి.. ఆయన రూటే సెపరేటు