బిడెన్​పై ఉత్తరకొరియా అనుచిత వ్యాఖ్యలు.. ట్రంప్​ వ్యంగ్యం

డెమొక్రాటిక్ తరఫున అమెరికా అధ్యక్ష పదవి అభ్యర్థిత్వం కోసం పోటీ పడుతున్న జో బిడెన్​ను ఉద్దేశించి వ్యంగ్యాస్త్రాలు సంధించారు డొనాల్డ్​ ట్రంప్. ఉత్తర కొరియా వ్యాఖ్యానించినట్లు బిడెన్ వ్యాధిగ్రస్త శునకం కాదని.. అంతకంటే మెరుగేనన్నారు.

అమెరికా అధ్యక్షుడు డొనాల్డ్ ట్రంప్.. డెమొక్రాటిక్ పార్టీ తరఫున అధ్యక్ష ఎన్నికల్లో ప్రత్యర్థిగా మారే అవకాశమున్న జో బిడెన్​ను ఉద్దేశించి వ్యంగ్యాస్త్రాలు సంధించారు. వ్యాధిగ్రస్త శునకం కంటే బిడెన్​ మెరుగైన వారేనని వ్యాఖ్యానించారు. 'నీవెక్కడ ఉండాలో అక్కడికి నేను మాత్రమే తీసుకెళ్లగలను' అని వ్యాఖ్యానించారు ట్రంప్.

ఓ చర్చా కార్యక్రమంలో పాల్గొన్న బిడెన్... ట్రంప్, కిమ్​ల చిత్రాలు ప్రసారం అవుతుండగా నియంతలు-నిరంకుశులను పొగుడుతున్నారు అంటూ యథాలాపంగా వ్యాఖ్యలు చేశారు. ఈ నేపథ్యంలో బిడెన్ తమ అధ్యక్షుడిని అవమానించారని భావించింది ఉత్తరకొరియా. వ్యాధిగ్రస్త శునకాల్లాంటి బిడెన్​ల వల్లే పెద్దసంఖ్యలో ప్రజలు ఇబ్బందులకు గురవుతున్నారని వ్యాఖ్యానించింది. ఇలాంటి శునకాలను కర్రలతో కొట్టి చంపాలని తీవ్ర వ్యాఖ్యలు చేసింది.

ఇదీ చూడండి: సమాఖ్య గళం బలపడాల్సిన సమయం