హైడ్రాక్సీక్లోరోక్విన్... కరోనా వైరస్పై పోరులో ఓ గేమ్ ఛేంజర్గా అనేక సార్లు అభివర్ణించారు అమెరికా అధ్యక్షుడు డొనాల్డ్ ట్రంప్. అయితే ఈ డ్రగ్తో సైడ్ ఎఫెక్ట్స్ ఉంటాయని అగ్రరాజ్య వైద్య నిపుణులే హెచ్చరిస్తున్నారు. అసలు కరోనాపై పోరుకు హైడ్రాక్సీక్లోరోక్విన్ ఉపయోగపడుతుందని చెప్పలేమంటున్నారు. అయినప్పటికీ ట్రంప్ వారిని లెక్క చేయడం లేదు. దాదాపు రెండు వారాలుగా హైడ్రాక్సీక్లోరోక్విన్, జింక్ను తీసుకుంటున్నారు. ఈ విషయాన్ని ఆయనే స్వయంగా తెలిపారు. కరోనా వైరస్ సోకకుండా ముందు జాగ్రత్త కోసం ఇలా చేస్తున్నట్టు పేర్కొన్నారు.
"దీన్ని నాకు వైద్యులు సిఫార్సు చేయలేదు. నేనే శ్వేతసౌధంలోని ఫిజీషియన్ను అడిగాను. హైడ్రాక్సీక్లోరోక్విన్ మంచిదని నేను అనుకుంటున్నా. అందుకే నేను తీసుకోవడం మొదలుపెట్టాను. ఎలాంటి సైడ్ ఎఫెక్ట్స్ లేవు. నేను బాగానే ఉన్నా కదా!"