అమెరికా అధ్యక్షుడు డొనాల్డ్ ట్రంప్.. 2021 ఏడాదికిగానూ నోబెల్ శాంతి బహుమతికి నామినేట్ అయ్యారు. ఇజ్రాయెల్, యూఏఈ మధ్య ఒప్పందం కుదిర్చినందుకు నార్వే పార్లమెంట్‌ సభ్యుడు క్రిస్టియన్ ట్రైబిడ్రే జెడ్డే ఆయన పేరును ప్రతిపాదించారు. ఇరు దేశాల మధ్య సామరస్యం నెలకొనేలా చేశారని కితాబిచ్చారు.
ప్రపంచవ్యాప్తంగా పలు సమస్యల పరిష్కారానికి కృషి చేశారని ట్రంప్‌ను ప్రశంసించారు క్రిస్టియన్. పశ్చిమాసియా నుంచి భారీ సంఖ్యలో అమెరికా దళాలను.. ట్రంప్ ఉపసంహరించుకొనేలా చేశారన్నారు.