అమెరికా అధ్యక్షుడు డొనాల్డ్ ట్రంప్ శ్వేతసౌధం వేదికగా ఓ పార్టీ నిర్వహించారు. సెనేట్లో అభిశంసన వీగిపోయిన సందర్భంగా తమ శ్రేయోభిలాషులతో కలిసి వేడుక చేసుకున్నారు. ఈ కార్యక్రమానికి కేబినెట్ సభ్యులు, రిపబ్లికన్లు, కుటుంబ సభ్యులు హాజరయ్యారు. ఈ సందర్భంగా ట్రంప్ చాలా ఆత్మవిశ్వాసంతో కనిపించారని తెలుస్తోంది. అభిశంసన వీగిపోవడం వల్ల అధ్యక్షుడు పునరుత్తేజితమయ్యారని సమాచారం.
సెనేట్లో న్యాయప్రక్రియ పూర్తయి విజయం సాధించిన అనంతరం.. శ్వేతసౌధ ఉద్యోగులను ఉద్దేశించి ఉద్వేగపూరితమైన ప్రసంగం చేశారు ట్రంప్. కారణం లేకుండా తనపై అభియోగాలు మోపారని ఆవేదన వ్యక్తం చేశారు.
"ఏ తప్పు చేయకుండానే మనకు ఇబ్బందులు ఎదురయ్యాయి. నా జీవితంలో నేను ఎలాంటి తప్పు చెయ్యలేదు. ఇది ప్రసంగం కాదు. ఒక వేడుక మాత్రమే. మన ప్రయత్నం సఫలమైంది."