రానున్న అధ్యక్ష ఎన్నికల కోసం 'మోదీ బొమ్మ'తో అధ్యక్షుడు డొనాల్డ్ ట్రంప్ బృందం విడుదల చేసిన ప్రచార చిత్రానికి విశేష అదరణ లభిస్తోంది. ఇండో-అమెరికన్ల ఓట్లను గెలుచుకునేందుకు ప్రయోగించిన ఈ అస్త్రం.. ఏకంగా కోటి వ్యూస్ను సంపాదించుకుంది. విడుదల చేసి నెల రోజులు కూడా కాకుండా ఈ స్థాయిలో వ్యూస్ దక్కడం విశేషం.
ఈ ప్రచార చిత్రాన్ని.. ఒక్క ట్విట్టర్లోనే 3లక్షలకుపైగా మంది వీక్షించినట్టు వీడియో రూపకర్త, ట్రంప్ మద్దతుదారుడు అల్ మేసన్ తెలిపారు. ఫేస్బుక్, ట్విట్టర్, వాట్సాప్లో అంతకు మించి వ్యూస్ వచ్చినట్టు వివరించారు. ట్రంప్ మరో నాలుగేళ్లు పాలిస్తే.. భారత్-అమెరికా మైత్రి మరింత బలపడుతుందని ధీమా వ్యక్తం చేశారు.
ఇదీ చూడండి:-అమెరికాలో ఎన్నికల వేడి- సంక్లిష్టంగా పోలింగ్ ప్రక్రియ
వీడియోలో ఏముందంటే...
"ఫోర్ మోర్ ఇయర్స్" పేరిట విడుదలైన 107 సెకన్ల ట్రంప్ ప్రచార వీడియోలో.. మోదీ కనిపించారు. గతేడాది మోదీ.. అమెరికాలో పర్యటించారు. ఆ సమయంలో హ్యూస్టన్లోని ఎన్ఆర్జీ స్టేడియంలో 'హౌడీ మోడీ' పేరిట భారీ బహిరంగ సభలో పాల్గొన్నారు. ఈ చారిత్రక కార్యక్రమంలో దాదాపు 55 వేల మందికి పైగా ఇండో-అమెరికన్లు హాజరయ్యారు. అయితే ఆ వేదికపై మోదీ-ట్రంప్ చేయి పట్టుకొని తీసుకున్న ఫొటో, ప్రసంగం సన్నివేశాలను తాజాగా తమ వీడియోలో పెట్టింది ట్రంప్ ప్రచార బృందం.
ఆ సభలో ప్రసంగించిన మోదీ.. ట్రంప్ గురించి ప్రత్యేకంగా పరిచయం అక్కర్లేదని పేర్కొన్నారు. దాదాపు అన్ని దేశాల చర్చల్లో ఆయన పేరు ప్రస్తావనకు వస్తుందని కితాబిచ్చారు. ఆ బైట్ను ప్రచార వీడియోలో పెట్టింది ట్రంప్ బృందం.
ఇదీ చూడండి:-అమెరికా ఎన్నికలపై ఆ దేశాల హ్యాకర్ల దాడి!
