విద్యార్థి వీసా దుర్వినియోగం కేసులో అమెరికా ఇమిగ్రేషన్ అధికారులు అరెస్ట్ చేసిన విద్యార్థులకు సాయం అందించేందుకు భారత్ దౌత్య ప్రయత్నాలు ముమ్మరం చేసింది. విద్యార్థుల నిర్బంధంపై ఆందోళ వ్యక్తం చేసింది. వారికి తక్షణ దౌత్య సహకారం అందించేందుకు ప్రయత్నిస్తోంది.
అమెరికా రక్షణ విభాగం 'సివిల్ ఇమ్మిగ్రేషన్' ఆరోపణలతో భారత విద్యార్థుల్ని నిర్బంధించడం, తదనంతర పరిణామాలను భారత విదేశాంగ మంత్రిత్వశాఖ పరిశీలిస్తోంది. విద్యార్థుల పూర్తి వివరాలను, తాజా సమాచారాన్ని సేకరించేందుకు ప్రయత్నాలు చేస్తోంది.
ఇప్పటికే భారత సంస్థలు, దౌత్య అధికారులు అమెరికాలోని వివిధ నిర్బంధకేంద్రాలకు చేరుకొని విద్యార్థుల విడుదలకు పోలీసులతో చర్చలు జరుపుతున్నారు. ఇప్పటి వరకు 30 మంది విద్యార్థులను కలుసుకున్నారు. మిగతా విద్యార్థులకు సైతం సహాయం అందించేందుకు వాషింగ్టన్లో 24/7 గంటల హెల్ప్లైన్ ఏర్పాటు చేశారు.
హెల్ప్లైన్ నెంబర్లు: +1-202-322-1190
+1-202-340-2590
email: cons3.washington@mea.gov.in.