క్రిస్మస్ వేళ అమెరికాలో బాంబు పేలుడుకు కారణమైన వ్యక్తి ఆ ఘటనలోనే మరణించినట్లు అధికారులు తెలిపారు. తనను తాను పేల్చుకొని దాడి చేశాడని వెల్లడించారు. అతనొక్కడే ఈ ఘటనకు పాల్పడి ఉంటాడని చెప్పారు. డీఎన్ఏ ఆధారాలతో ఆ వ్యక్తిని అంథొనీ క్విన్ వార్నర్గా గుర్తించారు. ఈ మేరకు దాడికి సంబంధించిన సీసీటీవీ ఫుటేజీని విడుదల చేశారు.
సీసీటీవీ ఫుటేజీ
"ఈ కేసుపై విచారణ కొనసాగిస్తున్నాం. ఇంకొక వ్యక్తి దాడిలో పాల్గొన్నాడని ఇప్పటివరకైతే ఎలాంటి ఆధారాలు లభించలేదు. దాడి జరిగిన ప్రాంతంలోని సెక్యూరిటీ వీడియోలను పరిశీలించాం. ఇతర వ్యక్తులను గుర్తించలేదు."
-డగ్లస్ కోర్నెస్కీ, ఎఫ్బీఐ ప్రత్యేక ఏజెంట్ ఇంఛార్జీ