స్మార్ట్ఫోన్లు వచ్చిన నాటి నుంచి వైరల్ వీడియోలు నెట్టింట హల్చల్ చేస్తున్నాయి. ఇప్పుడు ఇలాంటిదే ఓ పాము వీడియో సామాజిక మాధ్యమాల్లో తెగ చక్కర్లు కొడుతుంది. ఇది చూసేందుకు వింతగా ఉండి.. రంగులు మార్చుతూ.. ఇంద్రధనుస్సులా ఉండి నెటిజన్లను ఆకట్టుకుంటోంది. దీనికి సంబంధించిన వీడియోను అమెరికాలోని 'రెప్టిల్ జూ' తన ఇన్స్టా పేజ్లో షేర్ చేసింది. 'మై లవ్' అని ఆ పాముకు పేరు కూడా పెట్టారు. షేర్ చేసిన వీడియోకు క్యాప్షన్గా 'మై లవ్ రంగులు మార్చుతుంది కానీ.. ఎప్పటికి దీనికి ముసలితనం రాదు' అని ఇంగ్లిష్లో జత చేశారు.
ఈ వీడియోలో ఓ మహిళ ఈ భారీ పామును మెడలో వేసుకుని దాని చర్మాన్ని చూపిస్తుంది. ఈ క్రమంలో పాము మొదట నీలం రంగులో ఉంటుంది. ఆ తర్వాత రంగులు చకచక మార్చేస్తుండడం మనం గమనిస్తాం.