పాఠశాలలో కాల్పుల కలకలం - ఒకరు మృతి

అమెరికాలోని ఓ పాఠశాలలో కాల్పులు కలకలం సృష్టించాయి. ఈ ఘటనలో ఒకరు మృతి చెందగా, ఓ అధికారి సహా పలువురు గాయపడ్డారని.. దీనిపై దర్యాప్తు ప్రారంభించామని పోలీసులు తమ ప్రకటనలో పేర్కొన్నారు.

అమెరికాలోని టెన్నీసీ రాష్ట్రంలోని ఓ పాఠశాలలో జరిగిన కాల్పులు స్థానికంగా కలకలం సృష్టించాయి. ఈ ఘటనలో ఒకరు ప్రాణాలు కోల్పోయారు. ఓ పోలీసు అధికారి సహా పలువురు గాయపడినట్టు సమాచారం. ఈ విషయాన్ని అధికారులు సోమవారం వెల్లడించారు.

ఈ ఘటనపై పోలీసులు దర్యాప్తు చేపట్టారు. ఇందుకు సంబంధించి మరిన్ని వివరాలు తెలియాల్సి ఉంది.

21 ఏళ్లు దాటిన ప్రతి ఒక్కరూ తుపాకీ వినియోగించుకోవచ్చని పేర్కొంటూ ఇటీవల ఆ రాష్ట్ర గవర్నర్​ ప్రకటించిన కొన్ని రోజులకే ఈ ఘటన జరగడం గమనార్హం.

ఇదీ చదవండి :నీట మునిగిన పడవ.. 34 మంది జలసమాధి!