అమెరికాలో తుపాను బీభత్సం.. ప్రజలు విలవిల

అమెరికా ఫ్లోరిడాలో తుపాను బీభత్సం సృష్టించింది. తుపాను ప్రభావానికి లౌసీయానాలో ఒకరు మృతి చెందగా.. మరో ఏడుగురు గాయపడ్డారు. ఫ్లోరిడాలోని పనామా నగరంలో టోర్నడో బీభత్సం సృష్టించింది. సుడిగాలి ధాటికి విద్యుత్ తీగలు, చెట్లు నేలమట్టం అయ్యాయి.

అమెరికాలోని దక్షిణ రాష్ట్రాలను తుపాను అతలాకుతలం చేస్తోంది. తుపాను కారణంగా లౌసీయానాలో ఒకరు మృతిచెందినట్లు సెయింట్ లాండ్రీ పారిష్​ అధ్యక్షుడు జెస్సీ బెల్లార్డ్ తెలిపారు. మరో ఏడుగురికి గాయాలైనట్లు పేర్కొన్నారు. లౌసీయానాలో సహాయక చర్యలు కొనసాగుతున్నాయన్నారు.

ఫ్లోరిడాలో తుపాను బీభత్సానికి అనేక భవనాలు ధ్వంసమయ్యాయి. మిస్సిసిపీ, లౌసీయానాలో తుపాను ధాటికి ఉరుములు, మెరుపులతో కూడిన భారీ వర్షం కురిసింది.

ఫ్లోరిడాలో భారీ టోర్నడో

ఫ్లోరిడాలోని పనామా నగరంలో టోర్నడో బీభత్సం సృష్టించింది. సుడిగాలి ధాటికి విద్యుత్ తీగలు, చెట్లు నేలమట్టం అయ్యాయి. అయితే అక్కడ ఎలాంటి ప్రాణనష్టం కలగలేదని అధికారులు తెలిపారు.

ఇదీ చదవండి :ఇరాన్​ అణుకేంద్రంలో ప్రమాదం!