ట్రంప్​ చీకటి లెక్కలు తేల్చినవారికి పులిట్జర్​

న్యూయార్క్​ టైమ్స్​, ద వాల్​ స్ట్రీట్​ జర్నల్​ను ప్రతిష్టాత్మక పులిట్జర్​ పురస్కారం వరించింది. అమెరికా అధ్యక్షుడు డొనాల్డ్ ట్రంప్​ కుటుంబ ఆర్థిక వ్యవహారాల్లోని లోగుట్టుపై విడివిడిగా పరిశోధనాత్మక కథనాలు ప్రచురించినందుకు ఈ రెండు పత్రికలు అవార్డుకు ఎంపికయ్యాయి.

పాత్రికేయ రంగంలో అత్యున్నత పురస్కారమైన పులిట్జర్​ అవార్డు-2019 ప్రకటన కార్యక్రమం న్యూయార్క్​లోని కొలంబియా విశ్వవిద్యాలయంలో జరిగింది. న్యూయార్క్​ టైమ్స్​, ద వాల్​ స్ట్రీట్​ జర్నల్​, అసోసియేటెడ్ ప్రెస్​ సహా పలు వార్తా పత్రికలను వేర్వేరు విభాగాల్లో పులిట్జర్​ వరించింది.

జర్నలిజం​ అవార్డు...

అమెరికా అధ్యక్షుడు డొనాల్డ్​ ట్రంప్​ కుటుంబ సభ్యుల ఆర్థిక వ్యవహారాలపై దర్యాప్తు చేసి, పన్ను చెల్లింపుల్లో అక్రమాలను వెలుగులోకి తెచ్చినందుకు న్యూయార్క్​ టైమ్స్​ పత్రిక ప్రతిష్ఠాత్మక జర్నలిజం​ అవార్డును అందుకుంది.

2016 అమెరికా అధ్యక్ష ఎన్నికల నేపథ్యంలో ఇద్దరు మహిళలకు ట్రంప్​ రహస్యంగా సొమ్ములిచ్చారన్న ఆరోపణలపై​ పరిశోధనాత్మక కథనం ప్రచురించిన వాల్​ స్ట్రీట్​ జర్నల్​​ పులిట్జర్​ను సొంతం చేసుకుంది.

అంతర్జాతీయ రిపోర్టింగ్​...

యెమెన్​ సంక్షోభంపై ముగ్గురు అసోసియేటెడ్​ ప్రెస్ పాత్రికేయులు రూపొందించిన డాక్యుమెంటరీకి పులిట్జర్​ అంతర్జాతీయ రిపోర్టింగ్​ అవార్డు లభించింది.​ మయన్మార్​లో రోహింగ్యాలపై జరిగిన అమానుష చర్యలపై రాయిటర్స్ చేసిన​ కథనం అంతర్జాతీయ రిపోర్టింగ్​ బహుమతిని అందుకుంది.

2018 ఫిబ్రవరిలో మార్జరి స్టోన్​మెన్​ డౌగ్లస్​ పాఠశాలలో జరిగిన కాల్పుల ఘటనలో ఆ విద్యాసంస్థ, న్యాయ శాఖ అధికారుల తప్పిదాలపై సన్​- సెంటినల్​ పత్రిక కథానికి పులిట్జర్​ అవార్డు వరించింది.

మరిన్ని..

పులిట్జర్​ ఫిక్షన్​ అవార్డు- ద ఓవర్​స్టోరీ (రిచర్డ్​ పవర్స్​)

పులిట్జర్​ డ్రామా- ఫెయిర్​ వ్యూ

ఇదీ చూడండి:చారిత్రక నోటర్ ​డామ్​ చర్చిలో అగ్ని ప్రమాదం