కరోనా సంక్షోభం అనంతరం ప్రజలకు ఉద్యోగాలు లభిస్తున్నాయని, స్టాక్ మార్కెట్లు లాభాలవైపు పరుగులు పెడుతున్నాయని అమెరికా అధ్యక్షుడు డొనాల్డ్ ట్రంప్ వెల్లడించారు. ఫలితంగా భారీ స్థాయిలో పునరాగమనం చేసేందుకు అమెరికా సిద్ధమవుతోందని వ్యాఖ్యానించారు.
"భారీ స్థాయిలో పునరాగమనం చేసేందుకు మేము సిద్ధమవుతున్నాము. చాలా విధాలుగా అమెరికా మెరుగైన స్థితిలో ఉంది. స్టాక్ మార్కెట్లు ఎలా ఉన్నాయో అందరూ చూస్తూనే ఉన్నారు. ఫెడరల్ రిజర్వ్ నుంచి కూడా మంచి వార్త లభించింది. ఆర్థికంగా పునరాగమనం చేస్తున్నాం. ఉద్యోగాల సంఖ్య అద్భుతంగా ఉంది. రానున్న వారాల్లో ఇంకా మెరుగుపడుతుంది."
-- డొనాల్డ్ ట్రంప్, అమెరికా అధ్యక్షుడు.