అమెరికాలో మరోసారి కాల్పులు కలకలం రేపాయి. టెక్సాస్ రాజధాని ఆస్టిన్‌లో ఓ దుండగుడు జరిపిన కాల్పుల్లో ముగ్గురు చనిపోయారు. ఈ ఘటన అమెరికా కాలమానం ప్రకారం ఆదివారం ఉదయం ఓ షాపింగ్‌ మాల్‌ సమీపంలోని అపార్ట్‌మెంట్‌ వద్ద చోటుచేసుకుంది.
అయితే కాల్పులు జరిపిన వ్యక్తిని పోలీసులు ఇంతవరకు పట్టుకోలేదు. అతడి కోసం గాలిస్తున్నారు. ఈ కాల్పులు జరిగిన ప్రాంతంలోని ఇళ్లనుంచి ఎవరూ బయటికి రావద్దని పోలీసులు హెచ్చరించారు.
చికాగోలోనూ..
చికాగోలోని మెక్డొనాల్డ్ పాస్ట్ఫుడ్ సెంటర్ బయట జరిగిన కాల్పుల్లో ఓ ఏడేళ్ల బాలిక మృతి చెందింది. ఆమె తండ్రి తీవ్రంగా గాయపడ్డారు. బాధితులు కారును పార్క్ చేస్తుండగా.. మరో కారుపై వచ్చిన ఇద్దరు దుండగులు కాల్పులు జరిపినట్లు స్థానికులు తెలిపారు.
బాధితులను సమీపంలోని ఆసుపత్రికి తరలించగా.. బాలిక అప్పటికే మృతి చెందినట్లు వైద్యులు నిర్ధరించారు. ఆమె తండ్రి పరిస్థితి విషమంగా ఉన్నట్లు పేర్కొన్నారు.
ఇదీ చూడండి:పాక్లో టీఎల్పీ కార్యకర్తల బీభత్సం.. డీఎస్పీ కిడ్నాప్