కొలరాడోలో కాల్పులు- పోలీసు సహా 10 మంది మృతి

అమెరికాలోని ఓ స్టోర్​లోకి చొరబడి ఓ సాయుధుడు చేసిన కాల్పుల్లో ఓ పోలీసు అధికారి సహా 10 మంది మరణించారు. కొలరాడోలోని బౌల్డర్ నగరంలో ఈ ఘటన జరిగింది. నిందితుడిని అదుపులోకి తీసుకున్నారు.

అమెరికాలో మళ్లీ కాల్పుల కలకలం రేగింది. కొలరాడోలోని బౌల్డర్ నగరంలో ఓ సాయుధుడు స్టోర్​లోకి చొరబడి కాల్పులకు తెగబడ్డాడు. ఈ ఘటనలో ఓ పోలీసు అధికారి సహా 10 మంది మరణించినట్లు అధికారులు తెలిపారు.

స్టోర్​లోకి చొరబడిన నిందితుడు.. పలు రౌండ్ల కాల్పులు జరిపినట్లు పోలీసులు తెలిపారు. పలువురికి గాయాలయ్యాయని, వారిని ఆస్పత్రికి తరలించామని చెప్పారు.

సమాచారం అందుకున్న అనంతరం ఘటనాస్థలికి భారీగా చేరుకొని స్టోర్​ను చుట్టుముట్టాయి భద్రతా దళాలు. నిందితుడిని అదుపులోకి తీసుకున్నాయి.

ఇదీ చదవండి:మూడు మసాజ్ సెంటర్లలో కాల్పులు-8 మంది మృతి