క్యాసినోలో కాల్పులు-సాయుధుడు హతం

అమెరికాలోని ఓ క్యాసినోలో కాల్పులు చేసిన వ్యక్తిని పోలీసులు కాల్చి చంపారు. ఈ దాడి యాదృచ్ఛికంగా జరిగింది కాదని, నిర్దిష్టమైన లక్ష్యంతోనే దుండగుడు కాల్పులకు పాల్పడ్డాడని పోలీసులు తెలిపారు.

అమెరికా విస్కాన్సిన్​లోని ఓ క్యాసినోలో కాల్పులకు తెగబడిన సాయుధుడిని పోలీసులు మట్టుబెట్టారు. గ్రీన్​బేలోని ఓనైడా క్యాసినోలో జరిగిన ఈ కాల్పులు యాదృచ్ఛికంగా జరిగిన దాడి కాదని పోలీసులు తెలిపారు. ఈ కాల్పుల్లో ఇద్దరు మరణించగా మరొకరికి గాయాలయ్యాయి. ఘటన సమయంలో బుల్లెట్ల వర్షం కురిసిందని ప్రత్యక్ష సాక్షులు తెలిపారు.

"నిర్దిష్టమైన లక్ష్యంతోనే దుండగుడు కాల్పులకు పాల్పడ్డాడు. అతను కాల్చాలనుకున్న వ్యక్తి అక్కడ లేదు. కానీ ఆ వ్యక్తి స్నేహితులు, సహోద్యోగులను కాల్చేందుకు యత్నించినట్లు తెలుస్తోంది."

-కెవిన్ పావ్లాక్, బ్రౌన్ కౌంటీ అధికారి

అయితే, దుండగుడితో పాటు మృతుల వివరాలను పోలీసులు వెల్లడించలేదు. గాయపడ్డ వ్యక్తిని ఆస్పత్రికి తరలించినట్లు చెప్పారు.

ఇదీ చదవండి:అఫ్గాన్​లో అగ్నిప్రమాదం- ఏడుగురు మృతి