ఈ నెల 13,14న జరిగే బ్రిక్స్​ సదస్సుకు మోదీ

నవంబర్​లో జరిగే 'బ్రిక్స్​ సదస్సు'కు బ్రెజిల్​ ప్రాతినిధ్యం వహించనుంది. ఈ సదస్సుకు ప్రధాని నరేంద్ర మోదీ హజరుకానున్నట్లు విదేశాంగ మంత్రిత్వ శాఖ వెల్లడించింది.

బ్రెజిల్​లో నవంబర్​ 13-14న జరిగే వార్షిక 'బ్రిక్స్' సదస్సుకు ప్రధాని నరేంద్రమోదీ హజరుకానున్నట్లు విదేశాంగ మంత్రిత్వశాఖ తెలిపింది. ఈ బ్రిక్స్​ సదస్సులో బ్రెజిల్​, రష్యా, భారత్​, చైనా, దక్షిణాఫ్రికా దేశాలు భాగస్వాములగా ఉన్నాయి.

సభ్య దేశాల మధ్య సహకారాన్ని మెరుగుపరచుకునే దిశగా ఈ సదస్సులో చర్చలు జరగనున్నట్లు విదేశాంగ మంత్రిత్వ శాఖ కార్యదర్శి (ఎకనామిక్ రిలేషన్స్) టీఎస్​ తిరుమూర్తి తెలిపారు.

3.6 బిలయన్ల జనాభా కలిగిన బ్రిక్స్​ దేశాలకు ప్రస్తుతం బ్రెజిల్​ ప్రాతనిధ్యం వహిస్తోంది. ఇది ప్రపంచ జనాభాలో సగానికి సమానం. ఈ ఐదు దేశాల సగటు జీడీపీ 16.6 ట్రిలియన్​ డాలర్లుగా ఉంది.

ఇదీ చూడండి:దూసుకొస్తున్న 'బుల్​బుల్​'- తీరాన్ని తాకేది 24గంటల్లోనే