ప్రపంచ యుద్ధం-2 నాటి విమానం కూలి ఏడుగురు మృతి

అమెరికాలో 2వ ప్రపంచ యుద్ధం నాటి సైనిక విమానం ప్రమాదానికి గురైంది. ఈ ఘటనలో ఏడుగురు ప్రాణాలు కోల్పోయారు. ఆరుగురు గాయపడ్డారు.

అమెరికాలోని కనెక్టికట్ రాష్ట్రం విండ్సర్​ లాక్స్​లో 2వ ప్రపంచ యుద్ధం నాటి బీ-17 సైనిక విమానం కుప్పకూలి ఏడుగురు మృతిచెందారు. ఉత్తర హార్ట్​ఫోర్డ్​ అంతర్జాతీయ విమానాశ్రయంలో ఈ ఘటన జరిగింది.

పదిమంది ప్రయాణికులు, ముగ్గురు సిబ్బందితో టేక్​ ఆఫ్​ అయిన విమానం... ఐదు నిమిషాల్లోనే సాంకేతిక లోపంతో ల్యాండ్ కావాల్సి వచ్చింది. కిందకు దిగే సమయంలో ఒక్కసారిగా మంటలు చెలరేగాయి. క్షణాల్లో విమానం కూలిపోయింది. ఈ ప్రమాదంలో ఏడుగురు మరణించారు. మరో ఆరుగురు గాయపడ్డారు. క్షతగాత్రుల్లో కొందరి పరిస్థితి విషమంగా ఉందని అధికారులు తెలిపారు.

ఇదీ చూడండి : కశ్మీర్​ సహా పలు అంశాలపై పాంపియో-జైశంకర్​ చర్చ