బ్యాట్మ్యాన్ 80వ వార్షికోత్సవాన్ని వేర్వేరు నగరాల్లో వైభవంగా నిర్వహించారు. మెక్సికో నగరంలోని టోర్రే రిఫార్మా భవనంపై అతిపెద్ద బ్యాట్మ్యాన్ మాస్క్ చిహ్నాన్ని ప్రదర్శించారు.
అభిమానులు... బ్యాట్మ్యాన్ వేషధారణలో వచ్చి కాసేపు ఆహ్లాదంగా గడిపారు.
"బ్యాట్మాన్ పాత్రను నా చిన్నప్పటి నుంచి చూస్తున్నాను. తరాలు మారినా... ఆ పాత్ర ఎప్పటికీ ఓ పజిల్లా ఉంటుంది."
-జిమేనా మార్టిన్, బ్యాట్మ్యాన్ అభిమాని
మెక్సికోతోపాటు టోక్యో, బెర్లిన్, రోమ్, పారిస్, లండన్, మాంట్రియల్, సావో పాలో, జోహన్నెస్‌బర్గ్‌లో 'బ్యాట్ మ్యాన్ డే'ను ఘనంగా నిర్వహించారు.
బ్యాట్మ్యాన్.... ఓ ఫిక్షనల్ సూపర్ హీరో పాత్ర. ముసుగు ధరించి నేరస్థులపై పోరాడే బ్రూస్ వేన్ కథతో 1939లో తొలి కామిక్ పుస్తకం వచ్చింది. అప్పటినుంచి ఆ పాత్ర ఎంతగానో ఆదరణ పొందుతోంది.
ఇదీ చూడండి : భారత్ గురించే 30 నిమిషాల పాటు ట్రంప్ ప్రసంగం!