ట్రంప్​ అభిశంసనకు సగానికిపైగా అమెరికన్ల మద్దతు!

అమెరికా అధ్యక్షుడు డొనాల్డ్ ట్రంప్​ అభిశంసన​ తీర్మానంపై బహిరంగ విచారణ సందర్భంగా ఏబీసీ న్యూస్-ఇప్సోస్ ఓ సర్వే నిర్వహించింది. ట్రంప్​ అధ్యక్ష పదవి నుంచి తప్పుకోవాలని సగానికి పైగా అమెరికన్లు భావిస్తున్నట్లు ఈ సర్వేలో తేలింది. గతంలో జరిగిన సర్వేతో పోలిస్తే ట్రంప్​ను వ్యతిరేకించే వారు పెరిగినట్లు వెల్లడైంది. ట్రంప్​ ఏ నేరం చేయలేదనే వారి సంఖ్యలో కూడా పెరుగుదల నమోదు కావడం గమనార్హం.

డొనాల్డ్ ట్రంప్ అధ్యక్ష పదవి నుంచి తప్పుకునే అవకాశం ఉందని అమెరికాలోని ఎక్కువ మంది ప్రజలు భావిస్తున్నారు. ట్రంప్​ అభిశంసన తీర్మానంపై బహింరంగ విచారణ జరుగుతున్న సందర్భంగా ఏబీసీ న్యూస్-ఇప్సోస్ నిర్వహించిన సర్వేలో ఈ విషయం వెల్లడైంది. సర్వేలో పాల్గొన్న వారిలో 51 శాతం మంది ప్రజలు అమెరికా సెనెట్​లో ట్రంప్​ దోషిగా తేలాలని కోరుకుంటున్నట్లు స్పష్టమైంది. అభిశంసనకు సానుకూలంగా ఉన్నవారిలో 6 శాతం మంది ట్రంప్​ను అధ్యక్ష పదవి నుంచి తప్పించడానికి విముఖత చూపిస్తున్నట్లు తెలిసింది.

అభిశంసన తీర్మాణంపై విచారణ ప్రారంభానికి ముందు కంటే ఈ సంఖ్య పెరగడం గమనార్హం. అంతకు ముందు ఫైవ్​థర్టీఎయిట్ వెబ్​సైట్​ నిర్వహించిన సర్వేలో ట్రంప్​కు వ్యతిరేకంగా 48 శాతం మంది తమ అభిప్రాయాలు వెల్లడించారు.

రెండిట్లోనూ పెరుగుదల

ట్రంప్​ అభిశంసనకు వ్యతిరేకించే వారి సంఖ్య సైతం గణనీయంగా తగ్గింది. ఫైవ్​థర్టీఎయిట్​​ నిర్వహించిన సర్వేలో వీరి సంఖ్య 46 శాతం ఉండగా ఏబీసీ న్యూస్ సర్వేలో 38 శాతంగా నమోదైంది. సర్వేలో పాల్గొన్న వారిలో పావు శాతం మంది ట్రంప్​ ఎలాంటి తప్పు చేయలేదని భావిస్తున్నట్లు పేర్కొన్నారు.

పద్దెనిమిదేళ్లు నిండినవారిలో 58 శాతం మంది అమెరికన్లు అభిశంసన ప్రక్రియను శ్రద్ధగా గమనిస్తున్నట్లు సర్వేలో వెల్లడైంది. మిగిలిన 42 శాతం మంది అంతగా శ్రద్ధ కనబర్చడం లేదని సర్వే తెలిపింది.