కాలిఫోర్నియాలో కాల్పులు... ఒకరు మృతి

అమెరికా కాలిఫోర్నియాలోని యూదుల ప్రార్థనా స్థలంలో దుండగుడు జరిపిన కాల్పుల్లో ఒకరు మృతి చెందారు. ముగ్గురికి గాయాలయ్యాయి. అనుమానితుడిని పోలీసులు అదుపులోకి తీసుకుని విచారిస్తున్నారు. క్షతగాత్రులకు సానుభూతి తెలుపుతూ అధ్యక్షుడు డొనాల్డ్​ ట్రంప్​ ట్వీట్ చేశారు.

అమెరికా కాలిపోర్నియాలోని యూదుల ప్రార్థనా స్థలంలో ఆగంతుకుడి కాల్పులు కలకలం సృష్టించాయి.దుండగుడు అకస్మాత్తుగా కాల్పులకు తెగబడ్డాడు. ఈ ఘటనలో ఒకరు మృతి చెందగా, ముగ్గురికి గాయాలయ్యాయి. క్షతగాత్రులకు ఆసుపత్రిలో చికిత్స అందిస్తున్నారు. వారి పరిస్థితి ఫర్వాలేదని వైద్యులు తెలిపారు. పోలీసులు అనుమానితుడిని అదుపులోకి తీసుకుని విచారిస్తున్నారు.

ఈ దాడిని ద్వేషపూరిత చర్యగా భావిస్తున్నట్లు అమెరికా అధ్యక్షుడు డొనాల్జ్​ ట్రంప్​ తెలిపారు. క్షతగాత్రులకు సంఘీభావం తెలుపుతూ ట్వీట్ చేశారు.

"కాలిఫోర్నియా పొవే యూదుల ప్రార్థనా స్థలంలో జరిగిన కాల్పుల్లో గాయపడిన వారందికీ సంఘీభావం తెలుపుతున్నా. అనుమానితుడిని అదుపులోకి తీసుకున్నాం. అధికారులు గొప్పగా విధులు నిర్వర్తించారు."
-డొనాల్డ్ ట్రంప్​ ట్వీట్​

ఇదీ చూడండి: పాకిస్థాన్​పై అగ్రరాజ్యం ఆంక్షలు...