ప్రపంచాన్ని కొవిడ్ వణికిస్తున్న వేళ.. వ్యాక్సిన్‌పై ప్రయోగాలు ఆశాజనక ఫలితాలను చూపించడం మానవాళికి ఊరట కలిగిస్తోంది. తాజాగా అమెరికా బయోటెక్ కంపెనీ నోవావాక్స్ తమ కొవిడ్ 19 వ్యాక్సిన్ బలమైన రోగనిరోధక శక్తి ఇస్తుందని ప్రకటించింది. ప్రస్తుతం కోలుకున్న రోగులలో ఉన్నదానికంటే ఎక్కువ ప్రతినిరోధకాలను ఇది ఉత్పత్తి చేస్తోందని తెలిపింది. వ్యాక్సిన్ విజయంపై ఇది ఆశలను పెంచుతోందని పేర్కొంది. ప్రారంభ దశ క్లినికల్‌ ట్రయల్స్ డేటాను విశ్లేషించి ఆ కంపెనీ ఈ విషయాన్ని వెల్లడించింది.
కీలకమైన మూడో దశ ట్రయల్స్‌ను భారీ ఎత్తున్న సెప్టెంబర్‌లో చేపడతామని.. వచ్చే ఏడాది బిలియన్‌ నుంచి 2 బిలియన్ల వ్యాక్సిన్ డోస్‌లను ఉత్పత్తి చేస్తామని ఆ సంస్థ ప్రకటించింది.