డిస్నీల్యాండ్​లో కొలువైన స్టార్​ వార్స్​ ప్రపంచం

అమెరికాలోని ప్రఖ్యాత డిస్నీల్యాండ్​కు మరో ఆకర్షణ  తోడైంది. ప్రముఖ హాలీవుడ్ చిత్రం 'స్టార్​ వార్స్​' థీమ్​ పార్క్​ సిద్ధమయింది. రేపటి నుంచి సందర్శకులను అనుమతించనున్నారు. ఇందుకు సంబంధించిన ఏర్పాట్లను చేస్తోంది డిస్నీ సంస్థ.

అమెరికాలోని ఊహాల ప్రపంచం డిస్నీల్యాండ్​ సందర్శకులను ఆకర్షించేందుకు మరో వేదిక​ సిద్ధం చేసింది. ప్రఖ్యాత హాలీవుడ్ చిత్ర శ్రేణి 'స్టార్​ వార్స్​-గెలాక్సీ ఎడ్జ్​' థీమ్​తో పార్క్​ను నిర్మించింది. రేపటి నుంచే పర్యటకులను అనుమతించనున్న నేపథ్యంలో అన్ని ఏర్పాట్లను చేస్తోంది డిస్నీల్యాండ్​.

మొదటి 3 వారాల పాటు సందర్శకులు ముందుగానే నమోదు చేసుకోవాల్సి ఉంటుందని సంస్థ తెలిపింది. ఈ కొత్త ప్రపంచంలో విహరించేందుకు కేవలం 4 గంటలు మాత్రమే అనుమతి ఉంటుంది. దీనికోసం పర్యటకులకు ప్రత్యేక రిస్ట్​ బ్యాండ్​ను అందిస్తారు. సమయం గడవగానే వారిని అప్రమత్తం చేస్తారు.

స్టార్​ వార్స్​ ప్రపంచంలో ఉన్నట్టు పర్యటకులు అనుభూతి పొందేలా ఈ గెలాక్సీ ఎడ్జ్​ను నిర్మించారు. అందుకోసం చాలా ఎక్కువ ప్రదేశాన్ని కేటాయించారు. చిత్రంలో కనిపించిన అన్ని ప్రదేశాలను ఇక్కడ మనం చూడొచ్చు. అందులోకి వెళ్లి తిరిగేలా వాటిని నిర్మించారు. ఇక్కడ సిబ్బంది కూడా స్టార్​ వార్స్​ వేషధారణలోనే కనిపిస్తారు.

ఇదీ చూడండి: ఒక్క ప్రశ్నకు.. 10 వేల సమాధానాలు